Իգդիրում դաշտային վարժանքներ են անցկացվել Մեծամորի ատոմակայանի հնարավոր վթարի սցենարով

Հասարակական07:52, 20 Հունիս 2019

Իգդիրում դաշտային վարժանքներ են անցկացվել Մեծամորի ատոմակայանի հնարավոր վթարի սցենարով

Թուրքիայի աղետների և արտակարգ իրավիճակների կառավարման վարչությունը (AFAD) Իգդիր քաղաքում Մեծամորի ատոմակայանից 17կմ հեռավորության վրա կազմակերպել է դաշտային վարժանքներ:

Դրանց մասնակցել են Թուրքիայի աղետների և արտակարգ իրավիճակների կառավարման Իգդիրի, Աղրըի և Էրզրումի վարչությունները:

AFAD-ի քաղաքացիական պաշտպանության նախագահ Սադի Էրգինն ասել է, որ կիրառելու են Մեծամորի ատոմակայանի հետ կապված բացասական զարգացումների դեպքում իրականացվելիք գործողությունների ծրագիրը:

Ըստ Մեծամորի ատոմակայանի վթարի սցենարի` Հայաստանի ատոմային էներգիայի գործակալության հայտարարությունից հետո Իգդիրի և շրջակայքի գյուղերի բնակիչները տարհանվելու են ռադիացիոն շրջաններից և նրանց տրվելու է յոդային դեղահաբեր:

Վարժանքների ընթացքում օգտագործվել են շտապ օգնության մեքենաներ, որոնք քաղաքացիներին տեղափոխել են հիվանդանոց: Ցույց են տրվել, թե ինչպես պետք է հատուկ հագուստներով դիմավորել քաղաքացիներին:

Իգդիրի փոխքաղաքապետ Յունուս Քոչը հայտնել է, որ վարժանքները բարեհաջող են անցել:

Աղբյուր` Hurriyet

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։