Թուրքիայում սահմանվել է այլընտրանքային վճարովի զինծառայության գումարի չափը

Ռազմական07:05, 21 Հունիս 2019

Թուրքիայում սահմանվել է այլընտրանքային վճարովի զինծառայության գումարի չափը

Թուրքիայի պաշտպանության նախարար Հուլուսի Աքարը հայտարարություն է արել զինվորական ծառայության նոր համակարգի վերաբերյալ:

Ըստ այդմ` նրանք, ովքեր ցանկանում են այլընտրանքային վճարովի զինվորական ծառայության անցնել թուրքական բանակում, պետք է միանվագ 30.000 թուրքական լիրա ( շուրջ 5180 դոլար) վճարեն:

Նշվում է, որ տարեկան 145.000 հոգու վճարումից պետությունը մեծ օգուտներ կարող է ստանալ: Ավելի վաղ Թուրքիայի նախագահը հայտնել էր, որ զինվորական ծառայության նոր համակարգը կօրինականացվի հունիսի 23-ին կայանալիք Ստամբուլի ընտրություններից առաջ:

Թուրքիայի պաշտպանության նախարարի խոսքով` Թուրքիայի զինված ուժերում ծառայության անցած թուրք շարքային զինվորը կարող է բարձրանալ մինչև գեներալի աստիճանի:

Քննարկվում է նաև այն հարցը, որ եթե օրենքի ուժ ստանա այս համակարգը, ապա հնարավոր կլինի նաև պարտադիր ժամկետային զինվծառայությունը 12 ամսից նվազեցնել 6 ամսի:

Նույն աղբյուրի փոխանցմամբ` Թուրքիայի բանակն ի զորու է իր շարքերն ընդունել 420.000 զինծառայողի:

Նշենք, որ այլընտրանքային վճարովի զինվորական ծառայությունը վերաբերում է նաև Թուրքիայի սահմաններից դուրս գտնվող Թուրքիայի քաղաքացիներին:

Նոր համակարգը նպատակ ունի արտասահմանաբնակ թուրք քաղաքացիներին այդ կերպ կապել Թուրքիա պետության հետ և հնարավորինս կանխել նրանց կողմից Թուրքիայի քաղաքացիությունից հրաժարվելը:

Աղբյուր` HaberTurk

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: