Օջալանը Թուրքիայի քրդամետ կուսակցությանը կոչ է արել չեզոքություն պահպանել Ստամբուլի քաղաքապետի ընտրություններում

Քաղաքական09:55, 21 Հունիս 2019

Օջալանը Թուրքիայի քրդամետ կուսակցությանը կոչ է արել չեզոքություն պահպանել Ստամբուլի քաղաքապետի ընտրություններում

Պաշտոնական Անկարայի կողմից ահաբեկչական կառույց համարվող «Քուրդիստանի բանվորական կուսակցության» (ՔԲԿ-PKK) առաջնորդ, ցմահ ազատազրկված Աբդուլլահ Օջալանը Թուրքիայի քրդամետ «Ժողովուրդների դեմոկրատական կուսակցությանը» (ԺԴԿ-HDP) կոչ է արել չեզոքություն պահպանել հունիսի 23-ին Թուրքիայում կայանալիք Ստամբուլի քաղաքապետի ընտրություններում։

Օջալանն իր ուղերձը փոխանցել է Ալի Քեմալ Օզջան անվամբ մտավորականին, որն էլ այն ներկայացրել է լրագրողներին:

Ըստ Օջալանի՝ քրդամետ կուսակցությունը չպետք է մասնակից դառնա Ստամբուլի քաղաքապետի նախընտրական գործընթացին։

Թուրքական աղբյուրը նշում է, որ Օջալանի կոչը հակասում է Թուրքիայում կալանավորված HDP-ի համանախագահ Սելահաթթին Դեմիրթաշի դիրքորոշմանը, ով Ստամբուլի քաղաքապետի ընտրություններին իր աջակցությունը հայտնեց ընդդիմադիր կուսակցության թեկնածուին՝ Էքրեմ Իմամօղլուին։

Ուշագրավ է, որ Օջալանի կոչին արձագանքել է HDP-ի ներկայիս համանախագահներից Սեզայի Թեմելը։ Վերջինս ասել է, որ Ստամբուլի քաղաքապետի ընտրություններում իրենց կուսակցությունը չի փոխի ռազմավարությունը և կշարունակի աջակցել Իմամօղլուին։

Աղբյուր` A haber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։