Թուրք գործիչ․ «Թուրքիան պետք է րոպե առաջ սկսի S-500-ների արտադրությունը»

Ռազմական11:03, 25 Հունիս 2019

Թուրք գործիչ․ «Թուրքիան պետք է րոպե առաջ սկսի S-500-ների արտադրությունը»

Թուրքիայի «Ազգայնական շարժում» կուսակցության (ԱՇԿ-MHP) փոխնախագահ Սեմիհ Յալչընն անդրադարձել է Ռուսաստանից S-400 ՀՕՊ համակարգերի գնման թեմային։ Նրա պնդմամբ՝ ՀՕՊ համակարգերի ձեռքբերման շուրջ ծագած աղմուկն իրականում վերաբերում է Թուրքիայի անկախության հարցին։

Յալչընը պնդել է, որ միջազգային խոշոր դերակատարները, ինչպես օրինակ՝ ԱՄՆ-ն, մշտապես նախընտրել են Թուրքիային տեսնել արբանյակ-երկրի կարգավիճակում՝ ջանալով կանխել նրա տնտեսական և ռազմական հզորացումը, հետևաբար և անկախացումը:

«Այդ պատճառով նրանք ուռճացնում են S-400-ների հարցը՝ փորձելով դա կապել այլ ճգնաժամերի հետ և այդ կերպ Թուրքիայի վրա ճնշում գործադրելու միջոց ստեղծել։ Նրանք ուզում են կործանել անկախ գործելուն ձգտող օրինական կառավարությունը և իշխանության բերել այն ուժերին, որոնք հակված են ենթարկվել իրենց»- պնդել է ԱՇԿ փոխնախագահը։

Յալչընը համոզմունք է հայտնել, որ Թուրքիան միանգամայն իրավացի է S-400 համակարգեր ձեռք բերելու իր վճռականության մեջ։ Ավելին, նրա խոսքով՝ Թուրքիան այդքանով չպետք է բավարարվի և հնարավորինս արագ պետք է սկսի Ռուսաստանի հետ համատեղ S-500 արտադրել։

Աղբյուր` Anadolu Ajansı

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: