Տարածաշրջան07:08, 26 Հունիս 2019
Ցիպրասը՝ Էրդողանին. «Հունաստանի և Կիպրոսի սուվերենությունը խախտողները թանկ են վճարելու»
Հունաստանի վարչապետի պաշտոնակատար Ալեքսիս Ցիպրասը պատասխանել է Թուրքիայի նախագահ Ռեջեփ Թայիփ Էրդողանի վերջին հայտարարությանը Կիպրոսի շուրջ առաջացած լարվածության մասին:
Միջանկյալ նշենք, որ Թուրքիան նավթի և գազի հորատման աշխատանքներ է սկսել Կիպրոսի բացառիկ տնտեսական գոտում (Միջերկրական ծովի արևելյան հատվածում), ինչին դեմ են ոչ միայն Կիպրոսն ու Հունաստանը, այլև մի շարք այլ երկրներ՝ համարելով դա միջազգային իրավունքի խախտում է։ Թուրքական կողմի պնդմամբ՝ բացառիկ տնտեսական գոտու հիշյալ տարածքը միայն Կիպրոսին չի պատկանում, ուստի Թուրքիան ու Հյուսիսային Կիպրոսի ինքնահռչակ թուրքական հանրապետությունը ևս հավասար իրավունք ունեն օգտվելու այդ ջրային տարածքի բնական պաշարներից։
Էրդողանը «Արդարություն և զարգացում» (ԱԶԿ-AKP) կուսակցության ժողովի ժամանակ անդրադարձել էր այդ թեմայի շուրջ Ցիպրասի արած հայտարարություններին։ Ցիպրասը խոստացել էր միջոցներ ձեռնարկել Թուրքիայի դեմ։ Ի պատասխան Էրդողանն ասել էր.
«Հունաստանի վարչապետը ինչ ուզում է թող ասի, Թուրքիան կշարունակի պաշտպանել Հյուսիսային Կիպրոսի քաղաքացիների իրավունքները»։
Ցիպրասն էլ իր հերթին արձագանքելով Էրդողանի տված պատասխանին, նշել է.
«Դիմում եմ Թուրքիայի նախագահին։ Ես խոսում եմ ոչ թե իմ, այլ միջազգային իրավունքի, Եվրամիության և միջազգային հանրության անունից՝ օգտագործելով ողջամտության լեզուն. Հունաստանը միայնակ չէ։ Աթենքը տարածաշրջանի կայունության և խաղաղության հիմնասյուներից է։ Մենք վճռական ենք տրամադրված միջազգային իրավունքի նորմերի շրջանակներում Հունաստանի և Կիպրոսի ինքնիշխան իրավունքները պաշտպանելու հարցում։ Հունաստանի կամ Կիպրոսի սուվերենությունը խախտողները պետք է իմանան, որ դրա համար թանկ են վճարելու»։
Այս ենթաբաժնի վերջին նորությունները
Նշվում է, որ էպիկենտրոնը եղել է Սիլվիրի քաղաքում, 6.92 կմ խորության վրա: Երկրաշարժը խուճապ է առաջացրել, մարդիկ վախից փողոց են դուրս եկել։
Միկրոավտուբուսի ու բեռնատարի բախման հետևանքով տուժածներից 4-ի վիճակը գնահատվում է ծանր։
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Region Monitor-ի բացառիկ հարցազրույցն իրանցի պրոֆեսոր, միջազգային հարցերով վերլուծաբան, Սաադոլլահ Զարեիի հետ։
Ամերիկյան «Business Insider» լրատվական կայքը վերլուծական հոդված է հրապարակել Թուրքիայի ռազմածովային ուժերի համալրումների վերաբերյալ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |