Քաղաքական11:33, 02 Հուլիս 2019
Թուրքիան Գերմանիայում ամենից ակտիվ լրտեսությամբ զբաղվող 4 երկրներից մեկն է
Թուրքիան Գերմանիայում ամենից ակտիվ լրտեսությամբ զբաղվող չորս երկրներից մեկն է։ Այս մասին հայտնել է Գերմանիայի ներքին հետախուզության համար պատասխանատու Սահմանադրության պահպանման գերատեսչությունը (BFV)։
2018թ․ վերաբերյալ BFV-ի զեկույցի համաձայն՝ Թուրքիայի լրտեսական գործունեության մեջ գլխավոր դերը կատարում է այս երկրի Ազգային հետախուզական ծառայությունը (MİT)։
387 էջանոց ամբողջական զեկույցից հրապարակվել է 50 էջանոց անգլերեն հակիրճ տարբերակը։ Զեկույցի լրտեսության և հետախուզության բաժնում մեծ տեղ է հատկացվել Գերմանիայում MİT-ի գործունեությանը։
Արձանագրվել է, որ Ռուսաստանը, Չինաստանը, Իրանն ու Թուրքիան շատ ակտիվ լրտեսական գործունեություն են ծավալում Գերմանիայում՝ այդ երկրի նկատմամբ քաղաքական, տնտեսական, ռազմական և տեխնոլոգիական առավելություններ ձեռք բերելու նպատակով։ Զեկույցում նշվել է, որ թուրքական հետախուզությունը հատկապես կենտրոնացած է Գերմանիայում ապաստանած և Թուրքիայում որպես հակակառավարական կամ ահաբեկչական բնութագրվող խմբավորումների կամ անհատների վերաբերյալ տեղեկություններ հավաքելու վրա։ Բայց միևնույն ժամանակ Թուրքիայի հետախուզությունը Գերմանիայում փորձում է նաև իր ազդեցությունն ունենալ երկրի քաղաքական անցուդարձի և գերմանական հասարակությունում վճռորոշ ձայն ունեցող անձանց վրա։
Գերմանիայի ներքին հետախուզական ծառայությունը որպես առևանգում է բնութագրել «Գյուլենական համայնքին» անդամակցելու մեջ մեղադրվող անձանց՝ Գերմանիայից կամ այլ երկրներից բռնի ուժով Թուրքիա վերադարձնելուն ուղղված MİT–ի գործողությունները։ Ըստ զեկույցի՝ թուրքական հետախուզական կառույցներն այս կամ այն չափով կապված են Անկարայի և երկրի իշխող կուսակցության հետ և Բեռլինում ու այլ եվրոպական մայրաքաղաքներում Անկարային աջակցող ուժեր են փնտրում։
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |