Թուրքիայի նախկին արտգործնախարարը հայտարարել է իշխող կուսակցությունից դուրս գալու մասին

Քաղաքական17:01, 08 Հուլիս 2019

Թուրքիայի նախկին արտգործնախարարը հայտարարել է իշխող կուսակցությունից դուրս գալու մասին

Թուրքիայի նախկին փոխվարչապետ և արտգործնախարար Ալի Բաբաջանը պաշտոնապես հայտարարել է իշխող «Արդարություն և զարգացում» կուսակցությունից (AKP-ԱԶԿ) դուրս գալու և նոր կուսակցություն հիմնելու մասին:

Ավելի վաղ Ալի Բաբաջանը Թուրքիայի նախագահ Ռեջեփ Թայիփ Էրդողանին ներկայացրել էր հրաժարական տալու հիմնավորումները թե գրավոր և թե բանավոր կերպով:

AKP-ական նախկին գործիչը հիմնավորման մեջ նշել է, որ «գաղափարապես» և «հոգեպես» հեռացել է կուսակցությունից, ինչպես նաև ընդգծել, որ Թուրքիայի համար անհրաժեշտ է ապագայի բոլորովին նոր տեսլական:

Բաբաջանն այդ ուղղությամբ անխուսափելի է համարել նոր աշխատանքների մեկնարկը:

«Ես և իմ ընկերներից շատերն այդպիսի աշխատանքի համար մեծ և պատմական պատասխանատվություն ենք զգում: Կարծում եմ մեր առջև ծառացած խնդիրների լուծումը միայն հնարավոր կլինի բանիմաց և ընդգրկուն կազմի աշխատանքներով: Պարտավոր ենք միասին աշխատել: Շատ կարևոր է, որ մեր աշխատանքները անկախ և ազատ իրականացվեն: Յուրաքանչյուր հարցում պետք է գործը սկսել սպիտակ (խմբ.`նոր) էջից»,-ասել է Բաբաջանը:

Այդպիսով AKP-ի հիմնադրման ակունքներում կանգնած գործիչը վերջ է դրել այդ կուսակցության շարքերում իր 18 տարվա գործունեությանը:

Հիշեցնենք, որ Ալի Բաբաջանի խորհրդականներից մեկը «Reuters» լրատվական գործակալությանը տված հարցազրույցում հայտնել էր, որ Բաբաջանը Թուրքիայի 11-րդ նախագահ Աբդուլլահ Գյուլի հետ միասին աշնանը նոր կուսակցություն է հիմնելու:

Աղբյուր` BBC

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։