Իրավական15:07, 09 Հուլիս 2019
Եվրադատարանը Թուրքիային հարկադրել է փոխհատուցում վճարել ընդդիմադիր գործիչ Դեմիրթաշին
Մարդու իրավունքների եվրոպական դատարանը (ՄԻԵԴ) Թուրքիային հարկադրել է խոշոր դրամական փոխհատուցում վճարել Սելահաթթին Դեմիրթաշին։
Ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) նախկին համանախագահը 05․07․2005թ․ մի հեռուստահաղորդման ժամանակ հեռախոսակապով միացել էր ուղիղ եթերին և խոսել քուրդ առաջնորդ Աբդուլլահ Օջալանի ու քրդական հարցի մասին։ Այդ ելույթի համար Դեմիրթաշը մեղադրվել էր ահաբեկչական խմբավորման քարոզ անելու մեջ և Դիարբեքիրի դատարանի վճռով 2010թ․ դատապարտվել ազատազրկման։
Պետք է նշել, որ Դիարբեքիրի դատարանի վճիռը պայմանականորեն չէր կիրառվել, ընդդիմադիր գործիչը միայն փորձաշրջան պիտի անցներ 5 տարի ժամկետով։ Դեմիրթաշը բողոքարկել էր այդ դատավճիռը և դիմել ՄԻԵԴ՝ Մարդու իրավունքների համընդհանուր հռչակագրի՝ խոսքի և մտքի ազատության մասին հոդվածների խախտման հիմնավորմամբ։
Այժմ ՄԻԵԴ-ը վճռել է, որ թուրքական դատարանի վեոնշյալ որոշումը պարզապես խոսքի իրավունքի սահմանափակում է։ ՄԻԵԴ-ի որոշմամբ Թուրքիան պետք է ԺԴԿ նախկին առաջնորդին 2․000 եվրո վճարի՝ որպես բարոյական փոխհատուցում ու ևս 1․000 եվրո՝ որպես դատական ծախսերի փոխհատուցում։
Հիշեցնենք, որ Սելահաթթին Դեմիրթաշն այլ գործի շրջանակներում արդեն շուրջ 3 տարի գտնվում է Էդիրնեի փակ տիպի բանտում։ Նախորդ տարի Դեմիրթաշի գործով ՄԻԵԴ-ի կայացրած մեկ այլ որոշմամբ Թուրքիային պահանջ էր ներկայացվել անմիջապես ազատ արձակել ընդդիմադիր գործչին։ Սակայն Թուրքիան գերադասել էր անտեսել ՄԻԵԴ-ի պահանջը՝ այն առ ոչինչ համարելով։
Այս ենթաբաժնի վերջին նորությունները
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Kurdish Monitoring. «Թուրքիայում քրդերենի նկատմամբ սահմանափակումները ոչ թե պատահական, այլ համակարգային բնույթ են կրում»:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Թուրքական մամուլում վերոնշյալը ներկայացվել է որպես հակաթուրքական լոբբի։
Միջոցառումները ոգեշնչված են Դինքի 1996-ին «Ակօս»-ում հրապարակված «23,5 ապրիլ» հոդվածից։
Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |