«Իսլամական պետությունը» Թուրքիային և Էրդողանին սպառնացող տեսանյութ է հրապարակել

Հասարակական10:12, 11 Հուլիս 2019

«Իսլամական պետությունը» Թուրքիային և Էրդողանին սպառնացող տեսանյութ է հրապարակել

«Իսլամական պետություն» (IŞİD) ահաբեկչական խմբավորումը Թուրքիային ուղղված սպառնալիքներով լի տեսանյութ է հրապարակել։

Հուլիսի 10-ին հրապարակված 5 րոպե 2 վայրկյան տևողությամբ տեսանյութում խմբավորման ներկայացուցիչը խոսում է թուրքերեն և սպառնալիքներ հնչեցնում Թուրքիայի նախագահ Ռեջեփ Թայիփ Էրդողանի ու Թուրքիայի հասցեին։ Նա մասնավորապես զգուշացնում է Էրդողանին, որ իրենց զինվորների սրերը հեռու չեն Էրդողանի երկրից և «Իսլամական պետության» պայքարը «հանուն կրոնի» շարունակվելու է։

Տեսանյութի հեղինակը նաև հայտարարել է, որ եթե ԱՄՆ-ը կարծում է, թե թուլացրել է «Իսլամական պետության» դիրքերը և իրենք պետք է հանձնվեն, ապա չարաչար սխալվում է։

Տեսահոլովակում նկարահանվել է IŞİD-ի հինգ անդամ։ Նրանցից մեկի՝ թուրքերեն խոսողի անունը, ըստ տեսանյութի, Էբու Քաթադա էլ Թուրքի է։

Տեսանյութի վերջում ահաբեկիչները հաստատել են իրենց հավատարմությունը IŞİD-ի առաջնորդ Աբուբաքըր ալ Բաղդադիին:

Աղբյուր` gazeteduvar.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։