ERMENI HABER AJANSI

Եթե Թուրքիան Ռուսաստանից գնի S-400 ՀՕՊ համակարգերը, ապա այդ երկիրը պետք  է հեռացվի F-35 ռազմական ինքնաթիռների նախագծից: Պետք է նաև կասեցվի այդ ինքնաթիռների վաճառքը Թուրքիային։ Նման հայտարարությամբ է հանդես եկել ԱՄՆ զինված ուժերի գլխավոր շտաբի պետի թեկնածու, գեներալ Մարկ Միլլին։

ԱՄՆ կոնգրեսին ուղղված նամակում Միլլին նշել է․ «Եթե իմ նշանակումը հաստատվի և եթե Թուրքիան ընդունի S-400 համակարգերը, ապա ես կառաջարկեմ Թուրքիային դուրս թողնել F-35 ինքնաթիռների նախագծից ու դադարեցնել դրանց վաճառքը Թուրքիային»։

Միլլին հայտարարել է, որ S-400 համակարգերը նախատեսված են F-35-ի պես մարտական օդանավերի ոչնչացման համար։ «Եթե մենք թույլ տանք, որ Թուրքիան գնի F-35 ինքնաթիռները և դրանք օգտագործի S-400 համակարգերի հետ, ապա S-400–ի ռադարները կարող են F-35-ի մասին գաղտնի ինֆորմացիան հաղորդել ռուս զինվորներին», - պնդել է ամերիկացի գեներալը։