Իրավական15:22, 15 Հուլիս 2019
Էրդողանը փոխհատուցում կվճարի այն քանդակագործին, ում հեղինակած արձանը հրահանգել էր ապամոնտաժել
Թուրքիայի նախագահը փոխհատուցում կվճարի քանդակագործ Մեհմեթ Աքսոյին, ում հեղինակած արձանը տարիներ առաջ Էրդողանի հրահանգով ապամոնտաժվել էր։ Նման որոշում է կայացրել Թուրքիայի Սահամանդրական դատարանը՝ քննելով դեռ 5 տարի առաջ թուրք քանդակագործի կողմից ՍԴ ներկայացված անհատական բողոքը։
Կարսի քաղաքապետարանի պատվերով Մեհմեթ Աքսոյը 2006թ․ հեղինակել էր երկու մասից բաղկացած մարդու արձան՝ որպես մարդկության և հաշտության խորհրդանիշ։ Արձանը տեղադրվել էր Կարսի բարձրադիր կետերից մեկում։ 2011թ․ մի հանրահավաքի առթիվ Կարս այցելած Ռեջեփ Թայիփ Էրդողանը, ով այն ժամանակ Թուրքիայի վարչապետն էր, արձանը «այլանդակ» էր համարել։ Ավելի ուշ նա հրահանգել էր ապամոնտաժել այն, և չնայած տեղական վարչական դատարանը որոշել էր կասեցնել արձանի ապամոնտաժման գործընթացը, շրջանային վարչական դատարանը չեղարկել էր այդ որոշումը։ Արդյունքում 2011թ․ ապրիլին արձանն ապամոնտաժվել էր։
2014թ․ Մեհմեթ Աքսոյը անհատական հայցով դիմել էր Սահմանադրական դատարան։ Դիմումը քննության է առնվել միայն 5 տարի անց՝ 2019թ․։ Ի վերջո, ՍԴ-ն արձանի ապամոնտաժումը որակել է որպես խոսքի և ստեղծագործելու ազատության ոտնահարում՝ պարտադրելով Էրդողանին դրա համար փոխհատուցում վճարել քանդակագործին։ Դատարանի որոշումից հետո Աքսոյը հայտարարել է, որ պատրաստվում է վերականգնել արձանը։
Նշենք, որ իր հեղինակած արձանը «այլանդակ» անվանելու մեղադրանքով Աքսոյը 2015թ․ ևս մեկ հայց էր ներկայացրել Էրդողանի դեմ, որի արդյունքում թուրքական դատարանը Էրդողանին պարտադրել էր 10․000 թուրքական լիրայի փոխհատուցում վճարել քանդակագործին։
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ:
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |