Միջազգային10:41, 16 Հուլիս 2019
Եվրամիությունը հաստատել է Թուրքիայի դեմ պատժամիջոցներ կիրառելու առաջարկը
Եվրամիությունը (ԵՄ) Կիպրոսի ափամերձ ջրերում հորատման աշխատանքների պատճառով Թուրքիայի դեմ պատժամիջոցներ կկիրառի։
ԵՄ արտգործնախարարների մասնակցությամբ Բրյուսելում կայացած արտաքին հարաբերությունների խորհրդի նիստից հետո գրավոր հայտարարություն է տարածվել։ Ըստ այդմ՝ ԵՄ-ն որոշել է միառժամանակ դադարեցնել Անկարայի հետ անցկացվող բոլոր բարձր մակարդակի հանդիպումները, այդ թվում՝ Թուրքիայի հետ օդային տրանսպորտի համապարփակ համաձայնագրի շուրջ բանակցությունները, ԵՄ-Թուրքիա գործընկերության խորհրդի նիստերը։
Նախատեսվում է նաև, որ Եվրախորհուրդը կնվազեցնի 2020թ․ համար Թուրքիային տրամադրվելիք ֆինանսական աջակցությունը։ ԵՄ անդամակցությունից առաջ Թուրքիային տրամադրվելիք ֆինանսավորումը կնվազեցվի 146մլն եվրոյով։ Միևնույն ժամանակ Եվրոպական ներդրումային բանկին առաջարկվել է վերանայել Թուրքիային տրամադրվող նյութական աջակցության պայմանները։
Հայտարարության մեջ նշվել է նաև, որ ԵՄ-ն հետևում է Կիպրոսի ջրային տարածքում Թուրքիայի կողմից կատարվող հորատման աշխատանքներին: Անհրաժեշտության դեպքում խնդիրը կրկին օրակարգ կբերվի։
ԵՄ արտրգործնախարարները Թուրքիային կոչ են արել լավ հարաբերություններ պահպանել հարևան երկրների հետ, հավատարիմ մնալ միջազգային իրավունքի նորմերին և հարգել Կիպրոսի Հանրապետության ինքնիշխանությունն ու իրավունքները։
Նշենք, որ օրեր առաջ Թուրքիայի արտգործնախարար Մևլութ Չավուշօղլուն, արձագանքելով Թուրքիայի դեմ պատժամիջոցներ կիրառելու Կիպրոսի կոչերին, հայտարարել էր, որ ԵՄ-ի նման քայլերը Թուրքիային չեն կարող կանգնեցնել, ավելին՝ դրանք անպատասխան չեն մնա։
Հիշեցնենք, որ Կիպրոսի հարակից ջրային տարածքում բնական գազի պաշարների որոնման իրավունքը վերջին տարիներին լարվածության մեծացման պատճառ է դարձել։ Թուրքական «Fatih», «Barbaros Hayreddin Paşa» և «Yavuz» նավերը Միջերկրական ծովում հորատման, որոնողական և սեյսմիկ ուսումնասիրության աշխատանքներ են կատարում։ Կիպրոսը, Հունաստանը, ԱՄՆ-ն, Եգիպտոսը և Եվրամիությունը պարբերաբար հանդես են գալիս այդ աշխատանքները դադարեցնելու կոչով։
Այս ենթաբաժնի վերջին նորությունները
«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Թուրքիայի գանձապետարանի և ֆինանսների նախարարը նշել է, որ Թուրքիան պատրաստ է ԵՄ-ի հետ ավելի ամուր համագործակցության։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |