Թուրքիայի ընդդիմությունը կարծում է, որ S-400-ների մատակարարմամբ կախում կառաջանա Ռուսաստանից

Քաղաքական13:42, 23 Հուլիս 2019

Թուրքիայի ընդդիմությունը կարծում է, որ S-400-ների մատակարարմամբ կախում կառաջանա Ռուսաստանից

Թուրքիայի քաղաքական շրջանակներում շարունակվում է քննարկվել Ռուսաստանի կողմից Թուրքիային մատակարարվող ռուսական «S-400» զենիթահրթիռային ՀՕՊ համակարգերի խնդիրը։

Չնայած այն բանին, որ Թուրքիայի իշխանությունների կողմից ռուս-թուրքական գործարքը բավական մեծ խանդավառությամբ ընդունվեց, ընդդիմադիր շրջանակներում այդ հարցով որոշակի մտահոգություններ կան։

Թեմային անդրադարձել է Թուրքիայի ընդդիմադիր քեմալական «Ժողովրդահանրապետական կուսակցության» (ԺՀԿ-CHP) նախագահ Քեմալ Քըլըչդարօղլուն։ Վերջինս նշել է, որ այս գործարքը իր բացասական կողմը նույնպես ունի, քանի որ սրանով ավելի է մեծանում Թուրքիայի կախվածությունը Ռուսաստանից։

«Արտաքին քաղաքականության մեջ լուրջ խոչընդոտի առջև ենք կանգնած։ Արտաքին քաղաքականությունը պետք է ղեկավարվի ողջամտությամբ։ Եթե Թուրքիան անվտանգության առումով խնդիրներ ունի, կարող է գնել «S-400», բայց դա չպիտի կախվածություն առաջացնի Ռուսաստանից»։

Հիշեցնենք, որ հուլիսի 12-ից սկսած Ռուսաստանը շարունակում է Թուրքիային մատակարարել S-400-ների մասերը։ Վերջերս էլ Թուրքիայի արտգործնախարար Մևլութ Չավուշօղլուն հայտարարել էր, որ Թուրքիային մատակաարված այդ համակարգերը կգործարկվեն 2020-ից:

Աղբյուր` Cumhurriyet

Այս ենթաբաժնի վերջին նորությունները

11:38, 22 նոյ

Թուրքիան BRICS-ի հետ համագործակցելու առաջարկ է ստացել

Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։

12:05, 21 նոյ

Թուրքիայի և ԱՄՆ-ի միջև նոր սկանդալ է հասունանում

Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։

17:48, 20 նոյ

Էրդողանն անդրադարձել է Սիրիայի քուրդ զինյալների թեմային

«Մենք բացարձակապես ոչ մի հանդուրժողականություն չունենք մեր սահմաններից դուրս գտնվող այն կառույցների նկատմամբ, որոնք անվտանգության սպառնալիքներ են ստեղծում մեր երկրի համար»։