Տարածաշրջան17:39, 24 Հուլիս 2019
«Մեր համբերության բաժակը լցվել է». Թուրքիայի արտգործանախարար
Սիրիայի հյուսիս-արևմուտքում անվտանգության գոտի ստեղծելու մասին ԱՄՆ-ի նոր առաջարկը, թուրքական իշխանություններին չի գոհացնում: Այդ մասին հայտարարել է Թուրքիայի արտգործնախարար Մևլութ Չավուշօղլուն Նիկարագուայի արտգործնախարարի հետ համատեղ ասուլիսի ժամանակ։
Երեք օր առաջ Թուրքիայում էր գտնվում Սիրիայում ԱՄՆ-ի ներկայացուցիչ Ջեյմս Ջեֆֆրին և թուրքական կողմի հետ այդ հարցով բանակցություններ վարում։
Ավելի վաղ ԱՄՆ-ի նախագահ Դոնալդ Թրամփը հայտարարել էր, որ Սիրիայում անհրաժեշտ է 32կմ խորությամբ անվտանգության գոտի ստեղծել:
«ԱՄՆ-ի առաջարկները մեզ չեն բավարարում։ Անվտանգության գոտու խորությունը և այն հարցը, թե անվտանգության գոտին ում վերահսկողության տակ պիտի անցնի, բավականին նուրբ խնդիրներ են։ Մենք չկարողացանք հասնել հաաձայնության»,-ասել է Չավուշօղլուն։
Ըստ մամուլի՝ թուրք-ամերիկյան բանակցությունների ժամանակ կողմերը համաձայնության չեն հասելանվտանգության գոտու խորության, ինչպես նաև այդ գոտին ում վերահսկողությանը հանձնելու հարցերում։ Անհամաձայնություններ են եղել նաև Սիրիայի Մանբիչ քաղաքից Սիրիայի քրդական ուժերի՝ «Ժողովրդավարական միություն կուսակցության» (ԺՄԿ-PYD) ռազմական թևը համարվող «Ժողովրդական ինքնապաշտանության ջոկատի» (YPG) զինյալների դուրս բերման հարցում։
Չավուշօղլուն հիշեցրել է, որ ԱՄՆ-ի պետքարտուղար Մայք Պոմպեոյի հետ նախկինում ձեռք էր բերվել համաձայնություն Սիրիայի Մանբիչ քաղաքի ճանապարհային քարտեզի հարցում, ըստ որի՝ Սիրիայի քուրդ զինյալները պետք է դուրս գային այնտեղից և Եփրատ գետի արևելյան հատվածից: Նույն կերպ քուրդ զինյալները պիտի դուրս գային Եփրատի արևելյան հատվածից։ Իսկ Սիրիայում ստեղծվելիք անվտանգության գոտին պետք է ներառեր Մանբիչն ու Սիրիայի արևելքը։
«Մեր համբերության բաժակը լցվել է։ Օր առաջ պետք է համաձայնության գալ անվտանգության հարցի շուրջ, հակառակ դեպքում Թուրքիան կանի այն, ինչ պիտի անի»,- եզրափակել է թուրք նախարարը։
Այս ենթաբաժնի վերջին նորությունները
Թուրքիայի «Աղետների և արտակարգ իրավիճակիների վարչությունը» գրեթե 1 շաբաթ Էգեյան ծովում անընդհատ գրանցվող երկրաշարժերի մասին է հայտնում:
Թուրքիայի Պետական օդանավակայանների կառավարման վարչությունը (DHMİ) հայտնել է, որ վերջին տարիներին զգալիորեն ավելացել են ինքնաթիռով ճանապարհորդողների թիվը։
Ջրի մակարդակը զգալիորեն իջել է, ինչի հետևանքով ի հայտ են եկել հարյուրավոր միկրոբիալիտներ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Փայլանը նշել էր, որ «Ադրբեջանն ունի տարածքային պահանջներ Հայաստանի նկատմամբ, և Հայաստանին երեքից հինգ տարի է հարկավոր դրան դիմակայելու համար»:
Պոլսահայ լրագրողի համոզմամբ՝ Անկարան հիմա վարում է այնպիսի քաղաքականություն, որը դադարել է Հայաստանը և հայկական ներկայությունը Թուրքիայում դիտել որպես սպառնալիք։
Ստորագրված արձանագրությունները ներառում են համատեղ ներդրումային և համագործակցության ծրագրեր:
Այդ գումարը նախատեսված է եղել Թուրքիայում առաջին «Akkuyu» ատոմակայանի համար, որը կառուցվում է «Ռոսատոմ»-ի նախագծով։
Գազայի վերաբերյալ ԱՄՆ նախագահ Դոնալդ Թրամփի վերջին հայտարարությունն անհանգստացրել է Թուրքիային:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |