Հունաստանի վարչապետ. «Մեր առաջնահերթությունն է վերջ տալ թուրքական օկուպացիային»

Քաղաքական17:25, 29 Հուլիս 2019

Հունաստանի վարչապետ. «Մեր առաջնահերթությունն է վերջ տալ թուրքական օկուպացիային»

Հունաստանի նորընտիր վարչապետ Կիրիակոս Միցոտակիսը Կիպրոսի Հանրապետության նախագահի հետ հանդիպումից հետո տված մամուլի ասուլիսին անդրադարձել է Միջերկրական ծովի արևելյան հատվածում Թուրքիայի կողմից իրականացվող հորատման աշխատանքներին:

Հունաստանի վարչապետը նշել է, որ Կիպրոսի Հանրապետության նախագահ Նիկոս Անաստասիադիսի հետ քննարկել են Թուրքիայի կողմից Միջերկրական ծովում իրականացվող գործողությունները:

«Հունաստանի արտաքին քաղաքականության կարևորագույն ռազմավարական պահանջն է վերջ տալ թուրքական օկուպացիային: Մինչև չվերանան ժամանակավրեպ երաշխիքները, իմաստ չունի լուծել Կիպրոսի խնդիրը»,-ասել է Միցոտակիսը:

Նշենք, որ Կիպրոսի բացառիկ տնտեսական գոտում թուրքական գործողությունների թեմայով օգոստոսի 9-ին տեղի է ունենալու Հյուսիսային Կիպրոսի ինքնիշխան թուրքական Հանրապետության նախագահ Մուսթաֆա Աքընջըի, Նիկոս Անաստասիադիսի և Կիրիակոս Միցոտակիսի հանդիպումը:

Թուրքական կողմի պնդմամբ՝ բացառիկ տնտեսական գոտու հիշյալ տարածքը միայն Կիպրոսին չի պատկանում և Թուրքիան ու Հյուսիսային Կիպրոսի ինքնահռչակ Հանրապետությունը հավասարապես իրավունք ունեն օգտվելու այդ ջրային տարածքի բնական պաշարներից։

Աղբյուր` Ahaber.com.tr

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։