Քաղաքական10:47, 20 Օգոստոս 2019
Բունդեսթագի պատգամավոր. «Եվրոպան պիտի դադարեցնի համագործակցությունը հակաժողովրդավարական Թուրքիայի հետ»
Թուրքիայի Վան, Դիարբեքիր և Մարդին քաղաքների քաղաքապետների պաշտոնանկության որոշման դեմ ուղղված քննադատությունները շարունակվում են։ Եվրամիության մի շարք պաշտոնյաներ հանդես են եկել թուրքական իշխանությունների այդ քայլը դատապարտող հայտարարություններով։
ԵՄ արտաքին գործերի և անվտանգության քաղաքականության հարցերով պատասխանատուի խոսնակ Մայա Կոսյանչիչը թեմայի վերաբերյալ «Twitter»-ում հետևյալ գրառումն է արել․ «Դիարբեքիրի, Վանի և Մարդինի քաղաքապետներ Սելչուք Մըզրաքլըի, Բեդիա Օզգյոքչե Էրթանի և Ահմեթ Թյուրքի պաշտոնանկությունը լուրջ մտահոգություն է առաջացնում, քանի որ կասկածի տակ է դնում մարտի 31-ի ընտրությունների ժողովրդավարական արդյունքների նկատմամբ հարգանքը»։
Կոսյանչիչն ընդգծել է, որ Թուրքիան ունի ահաբեկչության դեմ պայքարելու օրինական իրավունք, բայց դա պետք է արվի սահմանադրության և միջազգային պայամանգրերով ամրագրված իրավունքի ու ազատությունների շրջանակներում։
Գերմանիայի դաշնային խորհրդարանի պատգամավոր Գյոքայ Աքբուլութը Թուրքիայի ընդդիմադիր «Ժողովուրդների դեմոկրատական» կուսակցությանն (ԺԴԿ-HDP) աջակցելու և իշխող կուսակցության դեմ համատեղ պայքար մղելու կոչ է արել․
«Թուրքիայի կառավարությունը ևս մեկ անգամ ի ցույց դրեց, թե որքան հեռու է ժողովրդավարությունից։ Եվրոպան պետք է դադարեցնի համագործակցությունը հակաժողովրդավարական Թուրքիայի հետ», - գրել է պատգամավորը Twitter-ում։
Գերմանիայի խորհրդարանի փոխնախագահ Կլաուդիա Ռոթը նույնպես քննադատել է քաղաքապետների փոխարեն հոգաբարձուների նշանակումը․
«Այս որոշումը մեկ անգամ ևս ցույց է տալիս, որ Թուրքիայում ոչնչացվում են ժողովրդավարության և իրավական պետության վերջին մնացորդները», - հայտարարել է Ռոթը։
Հավելենք, որ քաղաքապետների պաշտոնանկության որոշումը դատապարտել էին նաև Թուրքիայի նախկին նախագահ Աբդուլլահ Գյուլը և նախկին վարչապետ Ահմեթ Դավութօղլուն՝ իրենց սոցցանցային գրառումներում իշխանությունների այդ որոշումը որակելով որպես հակաժողովրդավարական։
Ստամբուլի և Իզմիրի քաղաքապետները ևս թեմայի վերաբերյալ քննադատական գրառում են կատարել։ Ըստ Էքրեմ Իմամօղլուի՝ քաղաքապետների պաշտոնանկության որոշումը ոչ մի աղերս չունի ժողովրդավարության հետ և անընդունելի է։ Իսկ ըստ Իզմիրի քաղաքապետ Թունչ Սոյերի՝ այս որոշմամբ ոտնահարվել է ժողովրդի կամքը։
Նախօրեին Դիարբեքիրի, Վանի և Մարդինի քաղաքապետների պաշտոնանկությանը դեմ էին արտահայտվել նաև Եվրախորհրդարանի պատգամավոր, Թուրքիայի հարցերով զեկուցող Քեթի Փիրին, Թուրքիայի խորհրդարանի հայ պատգամավոր Կարո Փայլանը, Թուրքիայի ընդդիմադիր կուսակցությունների այլ ներկայացուցիչներ։
Իսկ Թուրքիայի նախագահականից նույնպես թեմայի վերաբերյալ Twitter-ում գրառում է արվել, ըստ որի՝ երեք քաղաքապետների պաշտոնանկությունը և հոգաբարձուների նշանակումն ուղղակի անհրաժեշտ քայլ էր ահաբեկչության դեմ պայքարի շրջանակներում։
Այս ենթաբաժնի վերջին նորությունները
Հաքան Ֆիդանն ու Մարկո Ռոբիոն պայմանավորվել են սերտացնել թուրք-ամերիկյան համագործակցությունը։
Օրակարգում եղել են երկկողմ հարաբերություններն ու տարածաշրջանային և համաշխարհային զարգացումները:
Ապրիլի 15-ին Թուրքիայի նախագահի գլխավորությամբ տեղի կունենա հերթական նիստը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրքական ԶԼՄ-ների համաձայն՝ 28 տարեկան Ադիրը կորել է Թուրքիա-Հայաստան սահմանն ապօրինի հատելիս:
Անթալիայի 4-րդ դիվանագիտական ֆորումի ընթացքում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։
Դիմիտրիոս Խուպիսը մասնակցել է Դելֆիի 10-րդ տնտեսական ֆորումին, որտեղ անդրադառնալով Թուրքիային նշել է, որ այդ երկիրը շարունակական սպառնալիք է ներկայացնում։
Թուրքական մամուլում վերոնշյալը ներկայացվել է որպես հակաթուրքական լոբբի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |