Ստամբուլի քաղաքապետը դատապարտել է Թուրքիայի իշխանությունների արարքը

Քաղաքական17:43, 20 Օգոստոս 2019

Ստամբուլի քաղաքապետը դատապարտել է Թուրքիայի իշխանությունների արարքը

Թուրքիայում շարունակում է աղմկահարույց մնալ Վանի, Մարդինի և Դիարբեքիրի քաղաքապետների պաշտոնանկությունը և վերջիններիս փոխարեն ժամանակավոր պաշտոնակատարների նշանակումը։ Թեմային արձագանքել է նաև Ստամբուլի քաղաքապետ Էքրեմ Իմամօղլուն:

Իմամօղլուն դատապարտել է թուրքական իշխանությունների կողմից նախօրեին ընդունած որոշումը.

«Այն պաշտոնները, որոնք մարդկանց անցել են ժողովրդավարությամբ, ոչ ոք իրավունք չունի ապօրինի միջոցներով խլել: Ձախողելու են: Մեծ սխալ է արհամարհել ժողովրդի կամքը: Շատ ցավալի է: Խստորեն դատապարտում եմ: Դեմ եմ: Ամեն մեկն իր չափը պիտի իմանա»:

Հիշեցնենք, որ օգոստոսի 19-ին պաշտոնից հեռացվել են Դիարբեքիրի քաղաքապետ Ադնան Սելչուք Մըզրաքլըն, Վանի քաղաքապետ Բեդիա Օզգյոքչեն և Մարդինի քաղաքապետ Ահմեթ Թուրքը։ Նրանք մեղադրվում են ահաբեկչական խմբավորման անդամ լինելու և ահաբեկչության օգտին քարոզչություն անելու մեջ։

Քաղաքապետների պաշտոնանկությունը քննադատել են Թուրքիայի ընդդիամադիր կուսակցությունների ներկայացուցիչները, այդ թվում՝ հայ պատգամավոր Կարո Փայլանը։

Աղբյուր` Cumhuriyet.com.tr

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։