Հունաստանի ԱԳ նախարարը մեկնաբանել է Էրդողանի հակահունական ժեստը

Քաղաքական17:08, 03 Սեպտեմբեր 2019

Հունաստանի ԱԳ նախարարը մեկնաբանել է Էրդողանի հակահունական ժեստը

Թուրքիայի նախագահ Ռեջեփ Թայիփ Էրդողանը լուսանկարվել էր պատից կախված քարտեզի կողքին, որտեղ Էգեյան ծովում Հունաստանին պատկանող կղզիները ներառված են ներկայիս Թուրքիայի Հանրապետության տարածքում:

Երկրի ռազմական դպրոցներից մեկում տեղի ունեցած դիպլոմների հանձնման արարողության ժամանակ արված Էրդողանի լուսանկարը նախօրեին հայտնվել էր մամուլում՝ աղմուկ առաջացնելով հունական մեդիայում:

Թեմային անդրադարձել է նաև Հունաստանի արտգործնախարար Նիկոս Դենդիասը:

Դենդիասը հայտարարել է, որ երևէ երկրի սահմանները չեն կարող գծվել որևէ քաղաքական գործիչի ցանկության հիման վրա՝ ավելացնելով, որ դրանք գծվում են միջազգային իրավունքի հիման վրա:

«Թուրքիան շարունակում է տարածաշրջանի համար պատուհաս լինելու քաղաքականությունը, սակայն Հունաստանը չի ցանկանում պատասխանել դրան:

Թուրրքիան ձևավորվում է մեկ մարդու մտքերի հիման վրա. դա վնասում է Թուրքիայի կերպարը»,- ասել է Դենդիասը:

Հիշեցնենք, որ Թուրքիայի և Հունաստանի միջև առկա է վեճ Էգեյան ծովի մի շարք կղզիների պատկանելիության հարցում։ Մեկ անգամ չէ, որ Թուրքիայի օդուժին պատկանող ռազմական ինքնաթիռները հատել են հունական սահմանը՝ փորձելով սադրել հունական կողմին։

Աղբյուր` Gazeteduvar

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։