Էրդողանի կուսակցությունն այլևս երկրի առաջատար կուսակցությունը չէ

Քաղաքական11:13, 10 Սեպտեմբեր 2019

Էրդողանի կուսակցությունն այլևս երկրի առաջատար կուսակցությունը չէ

Հայտնի են դարձել Թուրքական «Avrasya» սոցիոլոգիական հետազոտությունների ընկերության կողմից Թուրքիայի քաղաքական կուսակցությունների հանրային վարկանիշի վերաբերյալ կատարված վերջին հետազոտության արդյունքները։

Ըստ այդմ՝ երկար տարիների դադարից հետո ընդդիմադիր «Ժողովրդահանրապետական» կուսակցությունը (ԺՀԿ-CHP) առաջին անգամ դարձել է երկրի առաջատար կուսակցությունը։ Երկրորդ տեղում իշխող «Արդարություն և զարգացում» կուսակցությունն (ԱԶԿ-AKP) է, երրորդում՝ «Ազգայնական շարժում» կուսակցությունը (ԱՇԿ-MHP)։ Իսկ ԱԶԿ-ԱՇԿ դաշինքով ստեղծված «Cumhur» միությունը վայելում է ընտրողների 43-45 տոկոսի աջակցությունը։

Արձանագրվել է նաև, որ ԱԶԿ-ն ժամանակի ընթացքում աստիճանաբար կորցնում է իր ընտրողներին, վերջիններս առավել հաճախ իշխող կուսակցության փոխարեն ընտրում են ԱՇԿ-ին կամ ընդդիմադիր կուսակցություններին։

Ըստ «Avrasya»-ի տնօրեն Քեմալ Օզքիրազի՝ իշխող կուսակցությունը ընտրողներին կորցնում է հետևյալ պատճառներով․ հանրության շրջանում տարածված այն համոզմունքը, որ կոռուպցիան և երկրում իշխող տնտեսական ճգնաժամը փոխկապված են, դատաիրավական ոլորտի խնդիրները, փախստականների հիմնախնդիրը, գործազրկությունը, Ստամբուլի քաղաքապետի ընտրությունները և դրանց անարդարության մասին ժողովրդի մեջ տարածված համոզմունքը։

Օզքիրազի խոսքով՝ հանրության միայն 40 տոկոսն է աջակցում նախագահ Ռեջեփ Թայիփ Էրդողանի գործողություններին։ Նա նշել է նաև, որ Թուրքիայում առաջիկայում ստեղծվելիք նոր քաղաքական կուսակցությունները ևս զգալիորեն կարող են նոսրացնել ԱԶԿ-ի ընտրողների շարքերը։ Ընդ որում՝ այս հետազոտության ընթացքում բավական մեծ թիվ են կազմել չկողմնորոշված ընտրողները։ Նրանք, ըստ Օզքիրազի, հենց ԱԶԿ-ի ընտրողներն են և սպասում են նոր քաղաքական գոյացումներին։ Եթե նոր կուսակցությունները հաջող մեկնարկ ունենան, ապա իշխող կուսակցության աջակիցների թվում ավելի կտրուկ անկում կարող է գրանցվել։

Նշենք, որ «Avrasya» հետազոտական ընկերությունը ամենից ճիշտ էր կանխատեսել հունիսի 23-ի ստամբուլյան ընտրությունների արդյունքները։

Աղբյուր` däken.com.tr

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։