Մուհարրեմ Ինջեն 2023թ. Թուրքիայի նախագահական ընտրություններում կառաջադրի իր թեկնածությունը

Քաղաքական15:19, 12 Սեպտեմբեր 2019

Մուհարրեմ Ինջեն 2023թ. Թուրքիայի նախագահական ընտրություններում կառաջադրի իր թեկնածությունը

Թուրքիայի գլխավոր ընդդիմադիր, քեմալական «Ժողովրդահանրապետական» կուսակցության (CHP-ԺՀԿ) քաղաքական գործիչ Մուհարրեմ Ինջեն հայտարարել է 2023թ. նախատեսված նախագահական ընտրություններում իր թեկնածությունն առաջադրելու մասին:

Թուրքիայում տեղի ունեցող քաղաքական զարգացումների վերաբերյալ Ինջեն նշել է, որ արդարությունը վերականգնվելու է, հրապարակները լեփ-լեցուն են լինելու և ինքը թեկնածու է լինելու:

Հեռուստատեսության եթերում հարց է հնչել, որ եթե ներկայիս Ստամբուլի քաղաքապետը` Էքրեմ Իմամօղլուն իր թեկնածությունն առաջադրի գալիք նախագահական ընտրություններում, Ինջեն անկախ թեկնածու կլինի՞, թե՞ ոչ, գործիչը խուսափել է պատասխանելուց:

Հիշեցնենք, որ 2018թ. հունիսի 24-ին Թուրքիայում կայացած արտահերթ նախագահական ընտրություններում ևս Մուհարրեմ Ինջեն առաջադրել էր իր թեկնածությունը և ստացել ձայների գրեթե 30 տոկոսը։

Աղբյուր` Dw.com.tr

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։