Թուրքիայում քեմալական գործիչ. «Ազատ արձակեք Դեմիրթաշին»

Քաղաքական15:09, 16 Սեպտեմբեր 2019

Թուրքիայում քեմալական գործիչ. «Ազատ արձակեք Դեմիրթաշին»

Թուրքիայի խորհրդարանի գլխավոր ընդդիմադիր ուժի՝ քեմալական «Ժողովրդահանրապետական» կուսակցության (ԺՀԿ-CHP) պատգամավոր Մեհմեթ Բեքարօղլուն կողմնակից է, քրդամետ «Ժողովուրդների դեմոկրատական» կուսակցության (HDP-ԺԴԿ) նախկին համանախագահ Սելահաթթին Դեմիրթաշի ազատ արձակմանը և քրդական հարցի կարգավորման նոր գործընթացին:

Ընդդիմադիր գործիչը սոցցանցում կատարած գրառման մեջ մասնավորապես նշել է.

«Ազատ արձակեք Դեմիրթաշին, Թուրքիայի խորհրդարանում հանձնաժողով հիմնեք, որպեսզի նորից սկսվի կարգավորման գործընթացը: Մայրերի վիշտը միայն այդ կերպ կփարատվի: Սխալ է «մինչև որ սպանվի վերջին ահաբեկիչը» մեթոդը: «Քաղաքացիական հասարակության» երթերով էլ որևէ բանի հնարավոր չէ հասնել»:

Բեքարօղլուն իր գրառմանը կից ներկայացրել է նաև Քանդիլի լեռներում նկարահանված Սըրրը Սյուրեյա Օնդերի և Դեմիրթաշի մասնակցությամբ տեսանյութ: Նշենք, որ վերջիններս ներգրավված են քրդական հարցի կարգավորման գործընթացում:

Հիշեցնենք, որ Դեմիրթաշը մեղադրվում է 2012թ․ Բինգյոլում մի ելույթի ժամանակ «ահաբեկչական խմբավորման քարոզչություն» անելու մեջ։ Իրականում խոսքը ելույթի ժամանակ օգտագործված «Քուրդիստան» և «պարտիզան» բառերի մասին է։ Նշենք, որ Թուրքիայում «Քուրդիստանի բանվորական» կուսակցությունը (PKK-ՔԲԿ) ահաբեկչական է համարվում:

Աղբյուր` Demokrathaber.org

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։