Անաստասիադիս․ «Թուրքիան պետք է պատասխան տա Կիպրոսի դեմ ուղղված գործողությունների համար»

Միջազգային13:49, 16 Սեպտեմբեր 2019

Անաստասիադիս․ «Թուրքիան պետք է պատասխան տա Կիպրոսի դեմ ուղղված գործողությունների համար»

Կիպրոսի նախագահ Նիկոս Անաստասիադիսը հայտարարել է, որ պատրաստվում է ՄԱԿ-ի Գլխավոր ասամբլեայի 74-րդ նստաշրջանում բարձրաձայնել Թուրքիայի հարցը։

Կիպրոսի նախագահը մտադիր է հասնել նրան, որ Թուրքիան միջազգային հանրությունից արժանի պատասխան ստանա Կիպրոսի դեմ իրականացրած գործողությունների համար։

Անաստասիադիսը նաև նշել է, որ համապատասխան քայլեր կձեռնարկվեն Անկարայի այն որոշման դեմ, համաձայն որի՝ Կիպրոսի թուրքական հատվածում գտնվող Վարոշա քաղաքը պետք է բացվի կիպրոսաբնակ թուրքերի և զբոսաշրջիկների առաջ։ Կիպրոսի նախագահի պնդմամբ՝ Թուրքիայի այդ նախաձեռնությունը հակասում է ՄԱԿ-ի կայացրած որոշումներին։

Անաստասիադիսը շեշտել է, որ առաջիկա օրերին իր գլխավոր առաքելությունը կլինի Թուրքիայի սադրիչ գործողություններին պատասխանելը․ «Ես այդ նպատակի համար կօգտվեմ ՄԱԿ-ում իմ ներկայությունից, ՄԱԿ-ում իմ ելույթը լիովին կնվիրեմ այդ հարցին և կհանդիպեմ ՄԱԿ-ի Անվտանգության խորհրդի անդամ հինգ երկրների ներկայացուցիչների և ՄԱԿ-ի գլխավոր քարտուղարի հետ», - հայտարարել է նա։

Աղբյուր` tr.sputniknews.com

Այս ենթաբաժնի վերջին նորությունները

11:40, 01 ապր

Ֆրանսիան և Թուրքիան կհամագործակցեն միջուկային բժշկության ոլորտում

«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։

13:16, 31 մարտ

Մակրոնը շնորհավորել է Էրդողանին

Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։

11:31, 27 մարտ

Հույները դիմել են Թրամփին Թուրքիայի դեմ հանդես գալու պահանջով

Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։