Իրավական17:50, 17 Սեպտեմբեր 2019
Թուրքիայում հակասահմանադրական է ճանաչվել նախկին նախարարների դեմ հետաքննության լուսաբանման արգելքը
Թուրքիայի Սահամանադրական դատարանը վճռել է, որ նախկին նախարարներին առաջադրված մեղադրանքների ուսումնասիրման խորհրդարանական հանձնաժողովի մասին տեղեկատվության հրապարակման արգելքը խոսքի և մամուլի ազատության ոտնահարում է։
Նշենք, որ խոսքը նախկին նախարարներ Մեհմեթ Զաֆեր Չաղլայանի, Էգեմեն Բաղըշի, Մուամմեր Գյուլերի և Էրդողան Բայրաքթարի մասին է, ովքեր մեղադրվում են կաշառակերության և անօրինակությունների մեջ։
Իշխող «Արդարություն և զարգացում» կուսակցության (ԱԶԿ-AKP) անդամ նախկին նախարարները հրաժարական էին տվել 2013թ․ դեկտեմբերի 17-ի աղմկահարույց զարգացումներից հետո, երբ կաշառակերության և պաշտոնի չարաշահման մեղադրանքով մի քանի տասնյակ պաշտոնյաներ էին ձերբակալվել։ Նախկին նախարարների դեմ հետաքննություն իրականացնելու նպատակով հատուկ խորհրդարանական հանձնաժողով էր հիմնվել։ Սակայն 2014թ․ նոյեմբերի 21-ին Անկարայի գլխավոր դատախազությունը հետաքննության գաղտնիությունն ու անխափան ընթացքն ապահովելու պատճառաբանությամբ արգելել էր հանձնաժողովի գործունեության մասին մամուլում որևէ լուսաբանում հրապարակել։
Թուրքիայի «Հանրային ռադիո և հեռուստաընկերությունը» բողոքել էր այդ որոշման դեմ, իսկ արդյունքի չհասնելով՝ դիմել Սահմանադրական դատարան։ Սահմանադրական դատարանը վճռել է, որ այդ արգելքով խախտվել են խոսքի և մամուլի ազատության իրավունքները, որոնք երաշխավորվում են Թուրքիայի սահմանադրության 26-րդ և 28-րդ հոդվածներով։
Այս ենթաբաժնի վերջին նորությունները
Թուրքական դատարանը բարոյական վնասի փոխհատուցման այդպիսի որոշում է կայացրել:
Kurdish Monitoring. «Թուրքիայում քրդերենի նկատմամբ սահմանափակումները ոչ թե պատահական, այլ համակարգային բնույթ են կրում»:
Թուրքիայի «Մարմարա քրեակատարողական հիմնարկների համալիրը» կազմված է 9 փակ և 1 բաց ռեժիմի բանտերից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Ամերիկյան կայքը հրապարակել է 2025-ին Մերձավոր Արևելքի երկրների ռազմական ներուժի մասին զեկույց:
Թուրքական մամուլում վերոնշյալը ներկայացվել է որպես հակաթուրքական լոբբի։
Իրանի Իսլամական Հանրապետության արտգործնախարարի առաջին տեղակալ Մաջիդ Թախտե Ռավանչին բացառիկ հարցազրույց է տվել Region Monitor-ին։
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |