ԵԽ պատգամավոր. «Մեզ համար անընդունելի է Թուրքիայի շանտաժը»

Քաղաքական11:59, 23 Սեպտեմբեր 2019

ԵԽ պատգամավոր. «Մեզ համար անընդունելի է Թուրքիայի շանտաժը»

Գերմանացի քաղաքական գործիչը, անդրադառնալով Թուրքիա-ԵՄ հարաբերություններին, անընդունելի է համարել, որ Թուրքիան Սիրիայի փախստականների հարցով շանտաժ է անում ԵՄ-ին:

Եվրախորհրդարանում «Եվրոպական ժողովրդական կուսակցության» ֆրակցիայի ղեկավար Մանֆրեդ Ուեբերը հարկ է համարել շարունակել Թուրքիայի և ԵՄ-ի միջև ստորագրված փախստականների մասին համաձայնագիրը:

«Մենք կողմ ենք, որ փախստականների համար Թուրքիային տրվող օգնությունը երկարաձգվի նաև 2019թ. հետո»,-ասել է նա:

Ուեբերը զգուշացրել է Թուրքիայի նախագահ Ռեջեփ Թայիփ Էրդողանին, որպեսզի փախստականների թվի աճի պատճառով ճնշումներ չգործադրի ԵՄ-ի վրա և հավելել, որ անընդունելի է նման շանտաժը:

Ուեբերը նաև նշել է, որ բոլոր նրանք, ովքեր կփորձեն փախստականների մասին համաձայնագիրն օգտագործել որպես հաղթաթուղթ, ըստ էության վտանգի տակ կդնեն Թուրքիա-Եմ տնտեսական հարաբերությունները:

Հիշեցնենք, որ Էրդողանը սեպտեմբերի սկզբին հայտարարել էր, որ եթե Սիրիայի հյուսիսում ծրագրված անվտանգության գոտին չկարողանան ստեղծել մինչև սեպտեմբերի վերջ, ապա Թուրքիան «ստիպված կլինի բացել սահմանները»:

Աղբյուր` Yenicaggazetesi.com.tr

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։