Թուրքիայի ուժայինները 2019-ին շուրջ 12 հազար գործողություն են իրականացրել քրդերի դեմ

Ռազմական17:32, 01 Հոկտեմբեր 2019

Թուրքիայի ուժայինները 2019-ին շուրջ 12 հազար գործողություն են իրականացրել քրդերի դեմ

Թուրքիայի ուժային կառույցները 2019-ի առաջին կիսամյակի ընթացքում 12.382 մեծ ու փոքր գործողություններ են իրականացրել երկրում ահաբեկչական կառույց համարվող «Քուրդիստանի բանվորական կուսակցության» (PKK-ՔԲԿ) դեմ: Այս մասին հայտարարել է Թուրքիայի ներքին գործերի նախարար Սուլեյման Սոյլուն:

«23 լայնածավալ, 245 միջին չափի և 12.114 փոքրամասշտաբ գործողություն ենք իրականացրել այս տարվա գարուն-ամառ ժամանակահատվածում: Իրականացված գործողությունների թիվը 87%-ով ավել է նախորդ տարվա գործողություններից»,-մանրամասնել է Սոյլուն՝ տեղեկացնելով, որ սկսել են աշուն-ձմեռ գործողությունների շարքը:

Թուրք նախարարի տվյալներով՝ տարեսկզբից մինչ այսօր սպանվել է ՔԲԿ-ի 108 ղեկավար անդամ:

Սոյլուն տեղեկություններ է հաղորդել նաև ՔԲԿ-ի դեմ իրականացվող «Kıran» 4 փուլանոց գործողության մասին, որը սկսվել է օգոստոսի 17-ին և յուրաքանչյուր փուլն ընդգրկում է Թուրքիայի տարբեր շրջաններ (4-րդ փուլն իրականացվում է Հայաստանի հետ սահմանակից Կարս, Իգդիր ու Աղրը նահանգներում): Ըստ նախարարի՝ գործողության ընթացքում սպանվել է 63 քուրդ զինյալ և ոչնչացվել է վերջիններին կողմից օգտագործված 68 քարանձավ ու ապաստարան:

Աղբյուր` Anadolu ajansı

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: