Ֆրանսահայ կազմակերպությունները կոչ են անում տապալել Էրդողանի վարչակարգը և պանթյուրքիզմը

Քաղաքական10:49, 11 Հոկտեմբեր 2019

Ֆրանսահայ կազմակերպությունները կոչ են անում տապալել Էրդողանի վարչակարգը և պանթյուրքիզմը

Ֆրանսահայ կազմակերպությունների համակարգման խորհուրդը (CCAF) դատապարտել է Սիրիայի հյուսիս-արևելքում Թուրքիայի կողմից իրականացվող «Խաղաղության ակունք» ռազմական գործողությունը:

CCAF-ը կոչ է արել տապալել Էրդողանի վարչակարգը և պանթյուրքիզմը: Խորհրդի գրավոր հայտարարության մեջ մասնավորապես ասվում է.

«Անկարայի կողմից սկսված գործողությունը, պանթյուրքիզմի քրեական և էքսպանսիոնիստական տրամաբանական շարունակությունն է, որն այսօր Էրդողանի վարչակարգը վերակենդանացրել է»:

CCAF-ը հայտնել է, որ 20-րդ դարի առաջին ցեղասպանության զոհերը` հայերը, երբեք չեն համակերպվի այս իրողության հետ:

Խորհուրդը նաև նշել է, որ աջակցելու է Ֆրանսիային, որպեսզի թուրքական ներխուժման հարցը տեղափոխվի ՄԱԿ-ի Անվտանգության խորհրդի օրակարգ:

Հիշեցնենք, որ ֆրանսահայ կազմակերպությունների համակարգման խորհուրդը (CCAF) հիմնվել է 2001-ին, միավորում է չորս տասնյակից ավելի ֆրանսահայ քաղաքական, մշակութային, մարզական, կրթական, մասնագիտական և այլ կազմակերպությունների: Ունի երեք տարածաշրջանային գրասենյակ՝ CCAF Իլ-դը-Ֆրանս (Փարիզ և հյուսիսային շրջաններ), CCAF Կենտրոն (Լիոն և կենտրոնական շրջաններ), CCAF Հարավ (Մարսել և հարավային շրջաններ):

Աղբյուր` Anfturkce.com

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։