Ահմեթ Հաքան. «Էրդողանը Թրամփի սկանդալային նամակն աղբամանն է նետել»

Քաղաքական14:13, 17 Հոկտեմբեր 2019

Ահմեթ Հաքան. «Էրդողանը Թրամփի սկանդալային նամակն աղբամանն է նետել»

Թուրքիայի նախագահ Ռեփեփ Թայիփ Էրդողանն աղբարկղն է նետել ԱՄՆ նախագահ Թրամփի ուղարկած սկանդալային նամակը՝ մերժելով նրա առաջարկը:

Այս մասին Twitter-ի էջում գրել է թուրք հայտնի լրագրող Ահմեթ Հաքանը՝ պնդելով, որ տեղեկությունը ստացել է բարձրաստիճան մի պաշտոնյայից:

«Նամակը հոկտեմբերի 9-ին է գրվել: Միջնորդության առաջարկությունը մերժվել է Էրդողանի կողմից, իսկ նամակը՝ նետվել աղբաման: Այդ նամակի լավագույն պատասխանը հոկտեմբերի 9-ին ժամը 16:00-ին տրված պատասխանն է. «խաղաղության ակունք» ռազմագործողությունը»,- պաշտոնյայի խոսքերը մեջբերել է Հաքանը:

Հիշեցնենք, որ նախօրեին հրապարակվել էր Թրամփի նամակը՝ ուղղված Էրդողանին: Ոչ դիվանագիտական ոճով գրված նամակում ԱՄՆ-ի նախագահն Էրդողանին կոչ էր արել համառ չլինել, հիմար չլինել ու բանակցել Սիրիայի քրդական ուժերի հրամանատարներից Ֆերհադ Աբդի Շահինի հետ, ով ամերիկյան զորքերի շրջանում հայտնի է գեներալ Մազլում Քոբանի անունով:

Աղբյուր` Yenişafak

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։