ԱՄՆ. «Թուրքիան Սիրիայում խելամիտ չի վարվել մեր խորհուրդների և զգուշացումների նկատմամբ»

Քաղաքական11:47, 24 Հոկտեմբեր 2019

ԱՄՆ. «Թուրքիան Սիրիայում խելամիտ չի վարվել մեր խորհուրդների և զգուշացումների նկատմամբ»

Թուրքիայի և Ռուսաստանի միջև Սիրիայի հարցով Սոչիում կնքված համաձայնագրի համատեքստում ԱՄՆ Կոնգրեսի անդամները «Դավաճանություն մեր դաշնակից սիրիացի քրդերի նկատմամբ» խորագրով նիստ են հրավիրել և քննադատության ենթարկել Սիրիայի հարցով ԱՄՆ հատուկ ներկայացուցիչ Ջեյմս Ջեֆրիին Թրամփի` Սիրիայում վարած քաղաքականության պատճառով:

ԱՄՆ Սենատում և ներկայացուցիչների պալատում հրավիրված նիստերում երկու կուսակցությունների անդամները համակարծիք են եղել, որ Թրամփի` Սիրիայից զորքերը դուրս բերելու որոշումը սխալ է:

Կոնգրեսի անդամները նկատել են տվել, որ ԱՄՆ-ն կանաչ լույս է վառել Թուրքիայի համար, որպեսզի իրականացնի ռազմագործողությունը, ինչպես նաև տարածաշրջանում կորցրել Է իր կշիռը՝ «հրապարակը» թողելով Ռուսաստանին, Իրանին ու Սիրիային:

Ջեյմս Ջեֆրին անդրադառնալով կոնգրեսականների քննադատություններին հայտնել է, որ ԱՄՆ-ն չի հաջողել արգելել Թուրքիայի մուտքգործումը Սիրիայի հյուսիս-արևելք և հավելել. «Թուրքիան խելամիտ չի վարվել մեր խորհուրդների և զգուշացումների նկատմամբ»:

Նա ողբերգական աղետ է որակել Թուրքիայի` Սիրիայի հյուսիս-արևելքում ռազմական գործողությունը:

Ջեֆրիի խոսքով`Թուրքիայի ռազմական օպերացիայի ընթացքում էթնիկ զտման վերաբերյալ տարածված փաստարկի չեն հանդիպել, սակայն որոշ միջադեպեր են արձանագրել, որոնք կարելի է ներառել պատերազմական հանցագործությունների շարքում:

Աղբյուր` Haberler.com