Ընդդիմադիր կուսակցապետ. «Թուրքիայի քաղաքացու պարտքն է պալատական իշխանությունից պաշտպանել ժողովրդավարությունը»

Քաղաքական13:00, 29 Հոկտեմբեր 2019

Ընդդիմադիր կուսակցապետ. «Թուրքիայի քաղաքացու պարտքն է պալատական իշխանությունից պաշտպանել ժողովրդավարությունը»

Թուրքիայի գլխավոր ընդդիմադիր ուժ համարվող «Ժողովրդահանրապետական» կուսակցության (CHP-ԺՀԿ) առաջնորդ Քեմալ Քըլըչդարօղլուն Թուրքիայի հանրապետության տոնի կապակցությամբ հոդված է հրապարակել, որտեղ քննադատության է ենթարկել իշխանություններին:

Ընդդիմադիր կուսակցապետը նշել է, որ երկիրը հիմա նոր պալատական իշխանության առջև է կանգնած: Իշխանությունները սեփական շահերի համար հաջողել են Թուրքիան պոկել խորհրդարանական ժողովրդավարությունից:

Քըլըչդարօղլուն Թուրքիայի քաղաքացու պարտքն է համարում պալատական իշխանությունից պաշտպանել ժողովրդավարությունը, շարժվել դեպի բացարձակ արդարադատություն, տնտեսական անկախություն և սոցիալական պետության վրա հիմնված արտադրություն:

«Ժողովրդավարության պսակը հանրապետությունն էր, իսկ ժողովրդավարությն հերթն է հանրապետության պսակը լինելու»,-նկատել է տվել կուսակցապետը:

Հիշեցնենք, որ Թուրքիայի Հանրապետությունը հիմնադրվել է 1923թ. հոկտեմբերի 29-ին Մուստաֆա Քեմալ Աթաթյուրքի կողմից: Աթաթյուրք տիտղոսը թուրքերեն նշանակում է «թուրքերի հայր»: Քեմալի հիմնած «Ժողովրդահանրապետական» կուսակցությունն այսօր համալրում է խորհրդարանական ընդդիմության շարքերը:

Աղբյուր` yurtgazetesi.com.tr

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։