Մարզական12:13, 29 Հոկտեմբեր 2019
UEFA-ն թուրք ֆուտբոլիստին կարող է պատժել զինվորական ողջույնի համար
Թուրքական քարոզչամեքենան աշխատում է նաև սպորտում։ Թուրք ֆուտբոլիստները շարունակում են իրենց աջակցությունը հայտնել Սիրիայում Թուրքիայի ռազմական գործողություններին։
Եվրոպայի լիգայի խաղարկության խմբային փուլի հանդիպուներից մեկի ժամանակ թուրքական Բաշաքշեհիր ակումբի թուրք ֆուտբոլիստ Իրֆան Ջան Քահվեջինը մրցակցի դարպասն ուղարկած գոլը նշել է զինվորական ողջույնով` ի պաշտպանություն Թուրքիայի ռազմական գործողություններին Սիրիայում։
Տեղի ունեցածի կապակցությամբ UEFA-ն հետաքննություն է սկսել և հավանաբար, այդ ֆուտբոլիստի նկատմամբ կկիրառվեն պատժամիջոցներ։
Սա առաջին դեպքը չէ, որ թուրք ֆուտբոլիստներն իրենց աջակցությունն են հայտնում Սիրիայում Թուրքիայի ռազմական գործողություններին։ Ավելի վաղ էլ EURO-2020-ի որակավորման փուլի խմբային փուլում կայացած Թուրքիա-Ալբանիա խաղի վերջին րոպեներին խփած գոլը թուրք ֆուտբոլիստները նշել են զինվորական ողջույնով՝ ի աջակցություն Սիրիայի տարածքում թուրքական զինուժի կողմից իրականացվող «խաղաղության ակունք» ռազմագործողությանը, որն աշխարհի բազմաթիվ երկրներ դատապարտում էին:
Այդ Ֆուտբոլային հանդիպումից հետո թուրք մարզիկները հանդերձարանից լուսանկար էին հրապարակել, որտեղ նորից կրկնել են այդ ժեստը՝ մակագրելով. «Հաղթանակ, որը նվիրվում է նահատակված զինվորներին»:
Հիշեցնենք, որ UEFA-ի կանոնակարգում հստակ ամրագրված է, որ պատժելի արարք կհամարվի այն ժեստի, խոսքի կամ առարկայի օգտագործումը, որն իր մեջ կպարունակի սադրիչ ուղերձ, չի համապատասխանի սպորտային իրադարձությանը կամ կկրի քաղաքական, գաղափարական, կրոնական ու վիրավորական բնույթ:
Այս ենթաբաժնի վերջին նորությունները
Մուրինյոն վիրավորել էր թուրք մրցավարներին, «Galatasaray»-ի ֆուտբոլիսներին և մարզչական կազմին:
Հայաստանի ֆուտբոլի ֆեդերացիան դեմ է եղել, որ Սպերցյանը տեղափոխվի թուրքական ակումբ։
Նշենք, որ Մուստաֆա Քեմալ Աթաթուրքը ներկայիս Թուրքիայի Հանրապետության հիմնադիրը և առաջին նախագահն է եղել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:
Թուրքիայի գանձապետարանի և ֆինանսների նախարարը նշել է, որ Թուրքիան պատրաստ է ԵՄ-ի հետ ավելի ամուր համագործակցության։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |