Թուրքիայի խորհրդարանի պատասխանը՝ ԱՄՆ-ի Ներկայացուցիչների պալատի ընդունած որոշմանը

Քաղաքական11:57, 31 Հոկտեմբեր 2019

Թուրքիայի խորհրդարանի պատասխանը՝ ԱՄՆ-ի Ներկայացուցիչների պալատի ընդունած որոշմանը

ԱՄՆ Կոնգրեսի Ներկայացուցիչների պալատի՝ Հայոց ցեղասպանությունը ճանաչող բանաձևի ընդունմանն արձագանքում են Թուրքիայի գրեթե բոլոր քաղաքական գործիչները: Երեկ՝ հոկտեմբերի 30-ին, կուսակցության ժողովում այս թեմայով ունեցած ծավալուն ելույթի ժամանակ Էրդողանը շեշտել էր Թուրքիայի մեջլիսում ներկայացուցիչների պալատի որոշման դեմ հայտարարություն ընդունելու անհրաժեշտության մասին:

Ելույթից հետո մեջլիսում նույն օրը երեկոյան կազմվել ու ընդունվել է Ներկայացուցիչների պալատի կողմից ցեղասպանությունը ճանաչող որոշումը դատապարտող փաստաթուղթ:

Նշվում է, որ ընդունված փաստաթղթով թուրքական խորհրդարանը մերժել է Կոնգրեսի ստորին պալատի որոշումներն ու դրանք հայտարարել առ ոչինչ Թուրքիայի համար:

«Մենք խստիվ դատապարտում ենք ԱՄՆ-ի Ներկայացուցիչների պալատի որոշ շրջանակների կողմից այսպես կոչված Հայոց ցեղասպանության պնդումների վերաբերյալ օրակարգ բերված թեզերին տեր կանգնելն ու հակառակ խելք ու խիղճ ունեցող ներկայացուցիչների առարկություններին՝ դրանք որոշման վերածելը»,- ասված է մեջլիսի ընդունած հայտարարության տեքստում:

Մեջլիսի նախագահ Մուսթաֆա Շենթոփի ու փոխնախագահ Սադի Բիլգիչի ստորագրած և մեջլիսում ձայների մեծամասնությամբ ընդունված փաստաթղթում ԱՄՆ Կոնգրեսի Ներկայացուցիչների պալատը մեղադրվում է Թուրքիայի պատմությունը սևացնող որոշում ընդունելու մեջ:

Տեքստի մեջ խոսվում է նաև արխիվները բացելու մասին Թուրքիայի իշխանությունների կողմից պարբերաբար հնչեցվող թեզերի մասին ու «պատմության ուսումնասիրությունը պատմաբաններին թողնելու և պատմական իրադարձությունների վերաբերյալ խորհրդարանական որոշումներ չընդունելու մասին:

Աղբյուր` Ahaber

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։