Էրդողան. «Մազլում Քոբանի կոչված անձը որևէ կերպ չի տարբերվում ալ-Բաղդադիից»

Քաղաքական15:09, 08 Նոյեմբեր 2019

Էրդողան. «Մազլում Քոբանի կոչված անձը որևէ կերպ չի տարբերվում ալ-Բաղդադիից»

Թուրքիայի նախագահ Ռեջեփ Թայիփ Էրդողանը Հունգարիայի վարչապետ Վիկտոր Օրվանի հետ համատեղ մամուլի ասուլիսի ընթացքում անդրադարձել է քրդական «Սիրիայի դեմոկրատական ուժերի» (SDF) գլխավոր հրամանատար Ֆերհադ Աբդի Քոբանիին:

Էրդողանը ելույթում Մազլում Քոբանի կեղծանվամբ հայտնի Ֆերհադ Աբդի Քոբանիի մասին մասնավորապես ասել է.

«Մազլում Քոբանի կոչված անձը ոչ մի կերպ չի տարբերվում Բաղդադիից (Իսլամական պետություն ահաբեկչական կառույցի նախկին առաջնորդ): Նա մի կառույցի ղեկավար կազմի մեջ է, որը հարյուրավոր մարդկանց արյուն է հեղել: Չեք կարող ասել, որ ինձ հանդիպած ահաբեկիչը լավն է, կամ որին չեք հանդիպել, ուրեմն նա վատն է»:

Թուրքիայի նախագահի խոսքով` ահաբեկչությունը չի ավարտվում միայն ահաբեկչական կառույցների ղեկավարի կազմի սպանությամբ:

Հիշեցնենք, որ Մազլում Աբդի Քոբանին ներառված է Թուրքիայում առավել վտանգավոր «ահաբեկիչների» ցուցակում։ Թուրքիան ԱՄՆ-ից պահանջում է նրա արտահանձնումը:

Քոբանիին Թուրքիայում համարվում է Սիրիայում քրդական «Ժողովրդական ինքնապաշտպանական ջոկատների» (YPG) ղեկավարներից: Իսկ ինչպես հայտնի է, YPG-ն էլ թուրքական իշխանությունները նույնացնում են Թուրքիայում ահաբեկչական համարվող «Քուրդստանի բանվորական» կուսացության (PKK-ՔԲԿ) հետ:

Աղբյուր` ahaber.com.tr

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։