ԱՄՆ կոնգրեսականները կոչ են արել Թրամփին չեղարկել Էրդողանին արված հրավերը

Քաղաքական13:03, 13 Նոյեմբեր 2019

ԱՄՆ կոնգրեսականները կոչ են արել Թրամփին չեղարկել Էրդողանին արված հրավերը

ԱՄՆ Կոնգրեսի Ներկայացուցիչների պալատի դեմոկրատ և հանրապետական անդամները նախագահ Թրամփին նամակ են գրել` ընդդիմանալով Թուրքիայի նախագահ Ռեջեփ Թայիփ Էրդողանի` Վաշինգտոն այցին:

Թուրքական աղբյուրի փոխանցմամբ` 17 կոնգրեսական, որից 2-ը հանրապետական և 15-ը` դեմոկրատ նամակում Թրամփին կոչ են արել չեղարկել Էրդողանին կատարված հրավերը:

«Հաշվի առնելով առկա պայմանները, Էրդողանի` ԱՄՆ այցը ծայրաստիճան անտեղի զարգացում է»,-նշված է նամակում:

Ներկայացուցիչների պալատի արտաքին հարաբերությունների հանձնաժողովի նախագահ, «Դեմոկրատական» կուսակցության ներկայացուցիչ Էլիոտ Էնգելի նախաձեռնությամբ գրված նամակում ասվում է, որ Սիրիայի հյուսիս-արևելքում իրականացվող ռազմական գործողությունը ԱՄՆ-ի ազգային անվտանգության առումով աղետալի հետևանքների է հանգեցրել:

Նրա խոսքով` «խաղաղության ակունք» ռազմական օպերացիայի պատճառով ՆԱՏՕ-ում խորը ճաքեր են առաջացել:

Այս նամակում կոնգրեսականները անդրադարձել են նաև Թուրքիայի կողմից ռուսական S-400 զենիթահրթիռային ՀՕՊ համակարգերի գնման թեմային, որում շեշտել են, որ Թուրքիան, որպես ՆԱՏՕ անդամ երկիր, նման քայլերով մերձենում է Ռուսաստանի հետ:

Հիշեցնենք, որ նոյեմբերի 13-ին Թրամփը հրավերով Թուրքիայի նախագահը գտնվում է Վաշինգտոնում:

Աղբյուր` Yeniakit.com.tr

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։