«Իսլամը վիրավորելու համար» Թուրքիայում ձերբակալվել են ԱՄՆ-ի հյուպատոսարանի աշխատակիցներ

Իրավական14:05, 21 Նոյեմբեր 2019

«Իսլամը վիրավորելու համար» Թուրքիայում ձերբակալվել են ԱՄՆ-ի հյուպատոսարանի աշխատակիցներ

Թուրքիայի ոստիկանությունը ձերբակալել է Ադանայում ԱՄՆ հյուպատոսարանի երկու աշխատակիցների՝ սոցցանցում նրանց մասնակցությամբ տարածված տեսանյութի պատճառով:

Հելոուինի օրվա կապակցությամբ տարածված տեսանյութում հյուպատոսարանի ազգությամբ թուրք աշխատակիցները դիտողներին առաջարկում են խմել մուսուլմանների համար սուրբ համարվող «Զամզամ» ջուրը:

«Խմեք սա, ազատվեք ձեր մեղքերից, ապա ապրեք ձեր կյանքը»,- ասում է նրանցից մեկը: Դրանից հետո նա ցուցադրում է իրենից քիչ հեռու կանգնած իսլամական հագուստներով իր ընկերոջը, ով ալկոհոլ է խմում ու խոզի միս ուտում, ինչն անթույլատրելի է շարիաթի կանոններով:

Ձերբակալված աշխատակիցների նկատմամբ հետաքննություն է սկսվել «ժողովրդի մեջ ատելության կամ թշնամանք հրահրելու կամ ժողովրդին նվաստացնելու» մեղադրանքով: Վերջինները ցուցմունք տալուց հետո ազատ են արձակվել:

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։