Գերմանիայում մահմեդական հոգևորականներ պատրաստելու ծրագիր է ներդրվում

Քաղաքական18:00, 22 Նոյեմբեր 2019

Գերմանիայում մահմեդական հոգևորականներ պատրաստելու ծրագիր է ներդրվում

Գերմանիայի կառավարությունը նախագիծ է սկսել, որի շրջանակներում իմամներ (մահմեդական հոգևորականներ) են պատրաստվելու այդ երկրի մզկիթներում ծառայելու համար: Գերմանիայի կառավարությունը երկրում գործող իսլամական հիմնադրամների հետ համատեղ իմամներ պատրաստելու համար հատուկ կրթական նախագիծ է ներդնում: Իսկ հետո Գերմանիայի Օսնաբրյուկ քաղաքի համալսարանի աջակցությամբ Իսլամի քոլեջ է հիմնելու:

Նշվում է, որ ներդրվող այդ փորձնական ծրագրի համար Գերմայիայի 2020թ. բյուջեում արդեն 400.000 եվրո է առանձնացվել: Բյուջեի նախագծի մեջ ծրագիրը ձևակերպված է հետևյալ կերպ՝

«Իսլամական համայնքների համար հոգևոր ծառայողների ուսուցման համար մոդելային նախագիծ»: Նախագիծն իրականացնելու համար հատուկ հիմնադրամ է հիմնվելու, որի կազմում կլինեն նաև անդամներ Գերմանիայում գործող իսլամական կազմակերպություններից ու իսլամական համայնքներից:

Այս ծրագիրը, սակայն, ոչ միանշանակ է ընդունվել երկրում գործող իսլամական հիմնադրամների կողմից: Նախագծի մասնակիցներից «Գերմանիայի մուսուլմանների կենտրոնական խորհուրդ» հիմնադրամի նախագահ Աիման Մազյեքը դրական է գնահատել նախաձեռնությունը, ասելով, որ իրենք միշտ էլ կողմ են եղել Գերմանիայում իմամներ պատրատելուն: Նախագծին աջակցություն է հայտնել Գերմանիայի Ձախերի կուսակցությունը, որում ընդգրկված Բունդեսթագի ազգությամբ թուրք պատգամավորների գործունեությունը (հատկապես Հայոց ցեղասպանության հարցում) հաճախ հարուցում են Անկարայի դժգոհությունը:

Նախագծին խիստ բացասաբար է ազդել «Կրոնական գործերի թուրք-իսլամական միություն» հիմնադրամը (DİTİB), որը Գերմանիայում գործող ամենամեծ իսլամական հիմնադրամներից է՝ իր խնամակալության տակ այդ երկրում ունենալով 1000-ից ավելի մզկիթ:

Թուրքական կառավարության հետ սերտ կապերով ու իր վրա ունեցած Անկարայի մեծ ազդեցությամբ հայտնի DİTİB-ի Ներքին Սաքսոնիայի ու Բրեմեն նահանգի ղեկավար Ալի Իսհան Ունլյուն հայտարարել է, որ իմամ պատրաստելը ոչ թե պետության, այլ համայնքների գործն է: Հայտնի է, որ հիմնադրամի խնամակալության տակ գտնվող մզկիթներում ծառայում են ավելի քան 1000 իմամ, որոնց մեծ մասը նշանակվում են Թուրքիայից և միջինում 4 տարի ծառայությունից հետո վերադառնում են Թուրքիա: DİTİB-ի կազմում ծառայող իմամները իրենց աշխատավարձերը ամբողջությամբ ստանում են Թուրքիայից:

Աղբյուր` dw.com

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։