Թուրքիայի նախկին նախագահն ու նախկին արտգործնախարարը կմիանան «Ժողովրդավարական» կուսակցությանը»

Քաղաքական14:11, 25 Նոյեմբեր 2019

Թուրքիայի նախկին նախագահն ու նախկին արտգործնախարարը կմիանան «Ժողովրդավարական» կուսակցությանը»

Թուրքական մամուլում տևական ժամանակ է՝ տեղեկություններ են հայտնվում այն մասին, որ Թուրքիայի 11-րդ նախագահ Աբդուլլահ Գյուլն ու նախկին արտգործնախարար Ալի Բաբաջանը պատրաստվում են նոր կուսակցություն հիմնել: Այդ նույն տեղեկությունների համաձայն՝ կուսակցությանը պատրաստվում են միանալ նախագահ Ռեջեփ Թայիփ Էրդողանի գլխավորած իշխանական «Արդարություն և զարգացում» կուսակցությունից (ԱԶԿ-AKP) 42 պատգամավոր, ինչը նոր կուսակցությանը հնարավորություն կտա միանգամից հայտնվել մեջլիսում (խորհրդարան):

Այս տեղեկությունների ֆոնին մամուլում նոր լուր է շրջանառվում, ըստ որի՝ նոր կուսակցություն հիմնելու փոխարեն Գյուլն ու Բաբաջանը կմիանան «Ժողովրդավարական» կուսակցությանը (DP-ԺԿ), իսկ առաջիկա համագումարի ժամանակ Բաբաջանը կստանձնի կուսակցության նախագահի պաշտոնը:

Այս պնդումը շրջանառության մեջ է դրվել ԺԿ-ի նախագահ Գյուլթեքին Ույսալի այն հատարարությունից հետո, որում նա ասել է, որ շուտով բոլորը կլսեն այն տեսլականի մասին, որը կկոտրի քաղաքականության մեջ մինչ այժմ եղած բոլոր կարծրատիպերը:

Նշվում է նաև, որ Ույսալն արդեն հանդիպել է կուսակցության նահանգային կառույցների ղեկավարներին ու նրանց անձամբ իրազեկել սպասվող փոփոխության մասին:

Տեղեկություններ կան նաև, որ 2 պատգամավոր էլ վերոհիշյալ կուսակցությանն են միանալու ազգայնական ուղղվածություն ունեցող «Լավ» (İYİ) կուսակցությունից:

Աղբյուր` Ermenihaber.am

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։