Հաջորդ նախագահական ընտրություններում Գյուլի թեկնածության հարցը՝ քննարկման առարկա

Քաղաքական16:54, 25 Նոյեմբեր 2019

Հաջորդ նախագահական ընտրություններում Գյուլի թեկնածության հարցը՝ քննարկման առարկա

Թուրքիայում գլխավոր ընդդիմադիր ուժ համարվող, քեմալական «Ժողովրդահանրապետական» կուսակցության (CHP-ԺՀԿ) փոխնախագահ Վելի Աղբաբան Դանիայում մասնակցել է «Թող մեր ձայնը հասնի մեջլիսին» խորագրով քննարկմանը:

Այդ քննարկմանը Աղբաբային հարց է ուղղվել այն մասին, թե արդյոք գալիք նախագահական ընտրություններում Թուրքիայի նախկին նախագահ Աբդուլլահ Գյուլի թեկնածությանը կողմ է եղել CHP-ն: Դրան ի պատասխան Աղբաբան ասել է, որ Աբդուլլահ Գյուլը CHP-ի թեկնածուն չի եղել: Գյուլի թեկնածության վերաբերյալ առաջարկը իրենք ստացել են ընդդիմադիր քրդամետ «Ժողովուրդների դեմոկրատական» կուսակցությունից (HDP-ԺԴԿ):

Աբդուլլահ Գյուլի անունը Թուրքիայի քաղաքական կուլիսներում քննարկման թեմա էր դարձել 2019թ. ապրիլին: Սակայն թեման փակվել էր Գյուլի այն հայտարարությունից հետո, երբ վերջինս հայտնեց, որ նախագահական ընտրություններում չի առաջադրի իր թեկնածությունը, քանի դեռ ընդդիմադիր ճակատում որևէ համաձայնություն ձեռք չի բերվել:

Հիշեցնենք, որ թուրքական մամուլում տևական ժամանակ է՝ տեղեկություններ են հայտնվում այն մասին, որ Թուրքիայի 11-րդ նախագահ Աբդուլլահ Գյուլն ու նախկին արտգործնախարար Ալի Բաբաջանը պատրաստվում են նոր կուսակցություն հիմնել:

Աղբյուր` timeturk.com

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։