Էրդողանն անդրադարձել է ռուսական S-400 համակարգերի և ՆԱՏՕ-ի խնդիրներին

Քաղաքական16:44, 26 Նոյեմբեր 2019

Էրդողանն անդրադարձել է ռուսական S-400 համակարգերի և ՆԱՏՕ-ի խնդիրներին

Թուրքիայի նախագահ Ռեջեփ Թայիփ Էրդողանը Կատարից Թուրքիա վերադառնալիս օդանավում պատասխանել է լրագրողների հարցերին: Լրագրողներից մեկը հետաքրքրվել է, թե ինչ լուծում կարող է գտնվել թուրք-ամերիկյան հարաբերություններում S-400 համակարգերի պատճառով առաջացած ճգնաժամում: Լրագրողը միաժամանակ նկատել է տվել, որ օրերս ամերիկացի մի պաշտոնյա հայտարարել է, որ S-400 համակարգերը չպիտի օգտագործվեն և Թուրքիան տեղյակ է այդ մասին:

Ի պատասխան Էրդողանն ասել է, որ այդ համակարգերի օգտագործել-չօգտագործելը չի կարող լինել քննարկման առարկա:

«Գործընթացը տևելու է մինչև ապրիլ: Մեր պաշտպանության ու արտաքին գործերի նախարարությունները միասին կիրականացնեն այդ աշխատանքները: Պետք է տեսնենք, թե այդ աշխատանքի ավարտին ինչպիսի արդյունքներ կունենանք: Խնդիրը պրն Թրամփի հետ էլ կապված չէ: Սա ՆԱՏՕ-ի հետ կապված հարց է: Համակարգերի օգտագործել-չօգտագործելը չի քննարկվում»,- ասել է Թուրքիայի նախագահը:

Էրդողանը նաև նշել է, որ այդ հարցը լուծելու ուղղությամբ քայլեր պիտի արվեն ՆԱՏՕ-ի կանոնադրության շրջանակներում:

«Այդ հարցով աշխատանքներ սկսելու որոշումն այդ օրվա մեր հանդիպման ամենաօգտակար մասն էր: Պրն Թրամփն էլ «Դուք աշխատանքը սկսեք, տեսնենք, թե ինչ արդյունք կլինի» ուղերձը հղեց»,- պատմել է Էրդողանը:

Աղբյուր` Anadolu ajansı

Այս ենթաբաժնի վերջին նորությունները

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։