Տարածաշրջան11:41, 02 Դեկտեմբեր 2019
«Yeni Yaşam». Թուրքիան թիրախավորում է քրիստոնյաներին
Թուրքիայի ընդդիմադիր մամուլի ներկայացուցիչներից «Yeni Yaşam» թերթն անդրադարձել է ազգային և կրոնական փոքրամասնությունների դեմ Թուրքիայի վարած պետական քաղաքականությանը։ Դատապարտելով Սիրիայի տարածքում Թուրքիայի նախաձեռնած «խաղաղության աղբյուր» ռազմագործողությունը՝ թերթը պնդում է, որ այդ գործողության ընթացքում թիրախավորելով եկեղեցիներն ու քաղաքացիների տները՝ Թուրքիան փորձում է տեղի քրիստոնյաներին ստիպել լքել իրենց բնակավայրերը։
«Yeni Yaşam»-ը հրապարակել է հույն Կատրին Նիկոլաոյի և ասորի Էդիպ Ասլանի հետ հարցազրույցը՝ «Քրիստոնյաները թիրախավորվում են» խորագևով։ Կատրին Նիկոլաոն հիշեցրել է օրեր առաջ Սիրիայի Ղամիշլի քաղաքում երկու հայ կաթլիկ քահանաների՝ հայր և որդի Աբրահամ և Հովսեփ Պետոյանների սպանության մասին։
«Նմանատիպ հարձակումներով նրանք ցանկանում են տարածաշրջանում գաղթի նոր ալիք առաջացնել։ Նպատակը այդ մարդկանց այնտեղից տեղահանելն է։ Ես 1915թ․ իրադարձություններում տուժածների սերունդներից եմ։ Մեր ազգն այն ժամանակ կոտորածների ենթարկվեց և ցրվեց աշխարհով մեկ։ Անատոլիան և Միջագետքը այնպիսի տարածաշրջան են, որտեղ այս գործընթացը պարբերաբար կրկնվում է, պատերազմն ու գաղթը երբեք չեն դադարում այստեղ։ Թուրքիան ցանկանում է նվաճել այդ տարածաշրջանը և հեռացնել ոչ միայն հայերին, այլև այնտեղ ապրող բոլորին։ Թուրքիան չի ուզում, որ Սիրիայի հյուսիսն ինքնավար լինի, քանի որ այդտեղ իր համար վտանգ է տեսնում», - ասել է Նիկոլաոն։
Իսկ Էդիպ Ասլանը կոչ է արել Էրդողանին մոռանալ Սիրիայի մասին և մտածել իր երկրի ազգային փոքրամասնությունների մասին․ «Թող Էրդողանը քաղաքացիություն տա բոլոր այն ոչ մահմեդականներին, որոնք սկսած օսմանյան ժամանակներից գաղթել են այս երկրից։ Այն ժամանակ նոր մենք կհավատանք նրա անկեղծությանը», - ասել է նա:
Այս ենթաբաժնի վերջին նորությունները
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։
Նշվում է, որ էպիկենտրոնը եղել է Սիլիվրի քաղաքում, 6.92 կմ խորության վրա: Երկրաշարժը խուճապ է առաջացրել, մարդիկ վախից փողոց են դուրս եկել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս պատմությունն ականատես-վերապրողի՝ շատախցի Մարուսյա Հակոբյանի խնդրանքով և թելադրանքով է հուշագրված։
Մինչ Թուրքիայում իրենց «կարմիր» անցյալը թողած վազում են կապույտ երազանքների հետևից, Հայաստանում օրը սև է, կորուստը` դառը:
Թուրքիայի նախագահը հիշատակել 1-ին համաշխարհային պատերազմի տարիներին կյանքից զրկված օսմանցի հայերին և ցավակցություն հայտնել նրանց սերունդներին։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
«Ցեղասպանության անեծքն այս հողերի վրայից չի վերանա, Թուրքիան լավ օր չի տեսնի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |