ERMENI HABER AJANSI

Հունաստանի մարտական ինքնաթիռի օդաչուն, թիրախավորելով Թուրքիայի զինուժին պատկանող ռազմանավը, լուսանկարել է և հույն լրագրողի միջոցով տարածել է սոցիալական ցանցերում: Դա խիստ բարկացրել է համացանցի թուրքական լսարանին, իսկ սոցցանցերի որոշ օգտատերեր էլ պնդել են, որ այդ լուսանկարները բավականին հին են: 

Լուսանկարներում երևում է, որ  ֆրանսիական արտադրության «Mirage 2000» կործանիչը թիրախավորել է թուրքական ռազմանավը և պատրաստվում է ռմբակոծել այն:

Նշենք, որ Թուրքիայի և Լիբիայի միջև Միջերկրական ծովի տարածքում գազի պաշարների որոնման և հորատման աշխատանքների շուրջ ձեռք բերված համաձայնությունը պատճառ է դարձել Հունաստանի և Լիբիայի, ինչպես նաև Հունաստանի ու Թուրքիայի միջև լարվածության աճի։

Փաստացիորեն Թուրքիայի ու Լիբիայի ծովային սահմանները որոշող ու միաժամանակ այդ սահմաններում 2 երկրներին տնտեսական գործունեություն իրականացնելու իրավունք տվող երկկողմանի համաձայնագրում ներառված ջրային տարածքն անցնում է անմիջապես հունական կղզիների կողքով:

Η Τουρκική φρεγάτα στοχοποιημένη από τα Mirage της #HellenicAirForce σε αποστολή ναυτικής κρούσης στο #Αιγαιο Αυτή είναι η γλώσσα που καταλαβαίνει ο Τούρκος. Καμία υποχώρηση στα εθνικά συμφέροντα. Καμία έκπτωση στην εθνική κυριαρχία. Υπέρ βωμών και εστιών σε ξηρά, θάλασσα κ αέρα. pic.twitter.com/H4qynMZrlv

— Ioannis Nikitas (@Ioannis_Nikitas) December 8, 2019