Քաղաքական14:57, 19 Դեկտեմբեր 2019
Թուրք լրագրող․ «Դավութօղլուն և Գյուլը միավորվել են՝ Էրդողանից ազատվելու համար»
Թուրքիայի իշխող «Արդարություն և զարգացում» կուսակցության (ԱԶԿ-AKP) նախկին պատգամավոր, «Star» թերթի թղթակից Մեհմեթ Մեթիները ուշագրավ հոդված է հրապարակել իշխող կուսակցության նախկին և ներկա ղեկավարների մասին։
Մեթիների խոսքով՝ երկրի նախկին վարչապետ Ահմեթ Դավութօղլուն և 11-րդ նախագահ Աբդուլլահ Գյուլը նախկինում ցանկանում էին ունենալ «անէրդողան ԱԶԿ», իսկ այժմ նրանք միավորել են ջանքերը՝ «անէրդողան Թուրքիա» ստեղծելու համար։ Հեղինակը պնդում է, որ թե՛ Գյուլը, թե՛ Դավութօղլուն Էրդողանին մենակ էին թողել 2012-2013թթ․, երբ վերջինս դեռ վարչապետ էր և միայնակ պայքարում էր «ՖԵթհուլլահական ահաբեկչական խմբավորման» (FETÖ-գյուլենական համայնք) դեմ։
Ըստ Մեթիների՝ Էրդողանի դեմ FETÖ-ի դավադիր գործողություններում Դավութօղլուն ու իր թիմը աջակցում էին ոչ թե Էրդողանին, այլ՝ FETÖ-ին։
«Որովհետև նա գիտեր, որ քանի դեռ Էրդողանը կա, ինքը չի կարող ԱԶԿ առաջնորդ լինել։ Բայց, փառք Աստծո, այդ դավադրությունը ձախողվեց։ «Անէրդողան ԱԶԿ» նախաձեռնությունն էլ տապալվեց», - գրում է հեղինակը։
«Այդ ժամանակ նրանք սկսեցին խոսել «մեկ անձի իշխանության» մասին։ Շրջանառության մեջ դրվեց «գործարանային կարգավորումներին» վերադառնալու կոչը։ Այդ ամենը արվում էր սեփական դավաճանությունը կոծկելու համար։ Հիմա ամեն ինչ պարզվեց։ Մի ժամանակ «անէրդողան ԱԶԿ» էին ցանկանում, հիմա էլ «անէրդողան Թուրքիա» են ուզում։ Թուրքիայի նախկին նախագահը և նրա շնորհիվ քաղաքականություն մտած նախկին ԱԶԿ ղեկավարն ու վարչապետը գործի են անցել՝ պայքարելով «Էրդողանից զերծ Թուրքիայի» համար», - գրել է հեղինակը։
Այս ենթաբաժնի վերջին նորությունները
«Մեր ջրի աղբյուրների արդյունավետ օգտագործումն ու ճիշտ կառավարումը ոչ թե ընտրություն է, այլև ազգային անվտանգության խնդիր»։
Ըստ պրոֆեսորի՝ Ահմեդ ալ-Շարայի կողմից ձևավորված նոր կառավարությունում կան Թուրքիայի քաղաքացիներ, ինչն ավելի է մեծացրել Թուրքիայի ազդեցությունը։
Փաստաթղթերը ստորագրվել են թուրքական «ESTA» և իստալական «Micoperi» ընկերությունների հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Օքթայ Սարալը Հայկո Ջեփքինին որակել է որպես երաժիշտի նմանակ, իսկ նրա արվեստը՝ անորոշ:
Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։
Միջոցառումները ոգեշնչված են Դինքի 1996-ին «Ակօս»-ում հրապարակված «23,5 ապրիլ» հոդվածից։
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |