«Instagram»-ից և «Twitter»-ից ամենաշատ օգտվող երկրների շարքում Թուրքիան 1-ին տեղում է

Հասարակական16:07, 26 Դեկտեմբեր 2019

«Instagram»-ից և «Twitter»-ից ամենաշատ օգտվող երկրների շարքում Թուրքիան 1-ին տեղում է

Թուրքիան 28 երկրների շարքում 1-ին տեղում է 2019թ․ «Instagram» և «Twitter» սոցիալական հարթակներից օգտվելու հաճախականության ցուցանիշով։ Այս մասին հայտնի է դարձել «Deloitte» ընկերության կատարած հետազոտությանից։ Հետազոտությունն անցկացվել է 6 մայրցամաքների 28 երկրներում և 44․150 քաղաքացու մասնակցությամբ։ Թուրքիայից հետազոտությանը մասնակցել է 1000 մարդ՝ առցանց (online) հարցաշարեր լրացնելու եղանակով։

Արձանագրվել է, որ Թուրքիայում 2017թ․ համեմատ 6 տոկոսով ավելացել է սոցիալան ցանցերից օգտվողների թիվը։ Ընդ որում՝ բջջային հեռախոս ունեցող յուրաքանչյուր երկու քաղաքացուց մեկը խոստովանել է, որ ամեն օր բջջային խաղեր է խաղում և որոշակի կախվածություն ունի նման խաղերից։ Թուրքիայի քաղաքացիների շուրջ 26 տոկոսը հաստատել է, որ բջջային հեռախոսը չափից շատ օգտագործելն իր մոտ ֆիզիկական ցավերի առաջացման պատճառ է դարձել։ Նշենք, որ այդ ցուցանիշը եվրոպացիների շրջանում կազմում է 7 տոկոս։

Հետազոտության համաձայն՝ Թուրքիայում օգտատերերն ամենից հաճախ օգտվում են «Facebook», «WhatsApp», «Messenger» և «Instagram» հարթակներից։

Ահա ևս մի քանի ուշագրավ փաստ վերը նշված հետազոտության արդյունքներից․

- Թուրքիայում օգտատերերի 45 տոկոսը ինտերնետում առանց կարդալու համաձայնում է շահագործման պայմաններին։

- 31 տոկոսը առցանց գնումները կատարում է բջջային հեռախոսի միջոցով։

- 76 տոկոսը մտածում է, որ կամակերպություններն օգտագործում են իրենց անձնական տվյալները։

- 46 տոկոսը մշտապես կարիք է զգում ստուգել բջջային հեռախոսը (զանգերը, հաղորդագրությունները)։

- 23 տոկոսն օրական առնվազն մեկ անգամ այցելում է «Twitter»։

- 49 տոկոսը օրական առնվազն մեկ անգամ այցելում է «Instagram»։