Ուկրաինան ցանկանում է ինքնաթիռների համատեղ արտադրություն սկսել Թուրքիայի հետ

Քաղաքական12:24, 26 Դեկտեմբեր 2019

Ուկրաինան ցանկանում է ինքնաթիռների համատեղ արտադրություն սկսել Թուրքիայի հետ

Թուրքիայում Ուկրաինայի արտակարգ և լիազոր դեսպան Անդրեյ Սիբիգան թուրքական «Milliyet» թերթին տված հարցազրույցում անդրադարձել է երկու երկրների փոխհարաբերություններին:

Սիբիգան հայտնել է, որ Թուրքիայի հետ իրենք ցանկանում են ինքնաթիռների համատեղ արտադրություն սկսել: Նա նշել է, որ թեմայի շուրջ շարունակվում են բանակցությունները և հավելել, որ Ուկրաինան պատրաստ է ընդունել Թուրքիայի հետ ցանկացած համագործակցություն: Համատեղ արտադրության մեջ նպատակ կա ներառել նաև «AN - 188» մոդելի ինքնաթիռը: Բացի այդ դեսպանը նշել է, որ «Antonov» պետական ավիաշինական ընկերությունը Թուրքիայի օդային շոուների ընթացքում թուրքական լսարանին կարող է զարմացնել աշխարհի ամենամեծ բեռնափոխադրող ինքնաթիռով` «AN-224 Mriya» տեսակով»:

«Համատեղ աշխատանքային խմբեր են ձևավորվել,- տեղեկացրել է դեպսանը: - Սպասում ենք թուրքական կողմի արձագանքին: Այս ծրագիրը երկու կողմի համար էլ ռազմավարական նշանակություն ունի: Եվ նաև շատ ենք հավանում թուրքական «ASELSAN»-ի (ռազմաարդյունաբերական ընկերություն) ավիացիոն համակարգը»:

Դեսպանն անդրադարձել է նաև այս տարի ստեղծված թուրք-ուկրաինական ընկերությանը, որն անօդաչու թռչող սարքեր է արտադրում: Նրա խոսքով` շուտով առաջին թռիչքը կիրականացնի «Akıncı» ԱԹՍ-ն:

Աղբյուր` qha.com.tr

Այս ենթաբաժնի վերջին նորությունները

15:12, 21 դեկտ

Ֆիդան․ «Ադրբեջանի և Հայաստանի միջև խաղաղության գործընթացի հաջող ավարտի համար պատմական հնարավորություն է ստեղծվել»

Թուրքիայի և Գերմանիայի արտգործնախարարներն անդրադարձել են Թուրքիա-ԵՄ հարաբերություններին, Հայաստան-Ադրբեջան գործընթացին և Սիրիայում տիրող իրավիճակին։

10:02, 20 դեկտ

Էրդողանը Կահիրեում մի շարք հանդիպումներ է ունեցել

D-8-ի շրջանակներում Թուրքիայի նախագահը պակիստանցի, իրանցի և եգիպտոսցի իր գործընկերների հետ քննարկել է տարածաշրջանային և համաշխարհային նշանակության հարցեր: