Իրավական13:55, 15 Հունվար 2020
Սահմանդրական դատարանի որոշմամբ Թուրքիայում վերացվել է Wikipedia-ի արգելքը
Ամենածավալուն համացանցային հանրագիտարանի՝ Wikipedia-ի հասանելիության վերականգնման անհրաժեշտության մասին Թուրքիայի Սահմանադրական դատարանի որոշումը հրապարակվել է երկրի «Պաշտոնական թերթում» (Resmi Gazete)։
Դրանով, փաստորեն, դատարանի վճիռն օրինական ուժի մեջ է մտել։ Կայքի հասանելիությունը կվերականգնվի այն բանից հետո, երբ Սահմանադրական դատարանի վճիռը ուղարկվի «Տեղեկատվական տեխնոլոգիաների և կապի կազմակերպությանը» (BTK):
Դատարանի որոշման մեջ Թուրքիայի ՍԴ-ն սահմանել է, որ Wikipedia-ի արգելափակումը հակասում է ժողովրդավարական հասարակարգի պահանջներին, իսկ կայքի արգելափակման համար պատճառ հանդիսացող հոդվածներն իրականում բոլորովին էլ սարսափելի բովանդակություն չունեն։
Թուրքիայի Սահմանադրական դատարանը դեռ 2019թ․ դեկտեմբերի 26-ին կայացրած որոշմամբ անօրինական էր ճանաչել Wikipedia-ի արգելափակումը։ Չնայած դրան 2․5 տարի շարունակ Wikipedia-ն Թուրքիայում շարունակում էր արգելափակված մնալ:
Հիշեցնենք, որ Wikipedia-ն (բոլոր լեզուներով) Թուրքիայում արգելափակվել էր 2017թ․ ապրիլի 29-ին։ Այդ արգելքը պաշտոնապես հիմնավորվել էր այն հանգամանքով, որ առցանց հանրագիտարանում կան որոշ հոդվածներ, որտեղ Թուրքիան հավասարեցվում է ահաբեկչական խմբավորումների հետ։ «Վիքիպեդիայի» սեփականատեր «Wikimedia» հիմնադրամը կայքի հասանելիության արգելափակումը բողոքարկելու նպատակով դիմել էր Թուրքիայի Սահմանադրական դատարան։
Այս ենթաբաժնի վերջին նորությունները
Թուրքական դատարանը բարոյական վնասի փոխհատուցման այդպիսի որոշում է կայացրել:
Kurdish Monitoring. «Թուրքիայում քրդերենի նկատմամբ սահմանափակումները ոչ թե պատահական, այլ համակարգային բնույթ են կրում»:
Թուրքիայի «Մարմարա քրեակատարողական հիմնարկների համալիրը» կազմված է 9 փակ և 1 բաց ռեժիմի բանտերից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Անթալիայի 4-րդ դիվանագիտական ֆորումի ընթացքում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։
Ամերիկյան կայքը հրապարակել է 2025-ին Մերձավոր Արևելքի երկրների ռազմական ներուժի մասին զեկույց:
Թուրքական մամուլում վերոնշյալը ներկայացվել է որպես հակաթուրքական լոբբի։
Իրանի Իսլամական Հանրապետության արտգործնախարարի առաջին տեղակալ Մաջիդ Թախտե Ռավանչին բացառիկ հարցազրույց է տվել Region Monitor-ին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |