Թուրքիայում հիվանդներին սպասարկում են 6 օտար լեզվով, բայց՝ ոչ քրդերենով

Հասարակական16:14, 15 Հունվար 2020

Թուրքիայում հիվանդներին սպասարկում են 6 օտար լեզվով, բայց՝ ոչ քրդերենով

Թուրքիայի հիվանդանոցներում հայտնվել են բազմալեզու պաստառներ, որոնք ծանոթացնում են առողջապահության նախարարության կազմում գործող և այլազգի այցելուների առողջապահական խնդիրներով զբաղվող կենտրոնի գործունեության մասին։ Հայտնի է դարձել, որ նշված կենտրոնը այցելուներին սպասարկում է վեց լեզվով՝ արաբերեն, պարսկերեն, ռուսերեն, անգլերեն, գերմաներեն և ֆրանսերեն։

Թուրքիայի ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) պատգամավոր Սեմրա Գյուզելն անընդունելի է համարել այն հանգամանքը, որ բազմալեզու բժշկական ծառայությունների լեզուների ցանկում տեղ չի գտել քրդերենը։ Պատգամավորը այս հարցը բարձրացրել է Թուրքիայի խորհրդարանում։ Նա պահանջել է առողջապահության նախարար Ֆահրեթթին Քոջայից՝ մեկնաբանել, թե ինչու նախարարությանը կից կառույցի թարգմանիչների ցանկում քրդերենի թարգմանիչ չի ընդգրկվել։

«Մեր տարածաշրջանում միլիոնավոր մարդկանց մայրենի լեզուն քրդերենն է։ Սա խտրական մոտեցում է, որը խոչընդոտում է թուրքերեն չիմացող կամ իրենց մայրենի լեզվով սպասարկվել ցանկացող քրդերին՝ բավարար որակով առողջապահական սպասարկում ստանալու հարցում», - ասված է Գյուզելի գրավոր դիմումի մեջ։

Պատգամավորը նաև հետաքրքրվել է, թե արդյոք առողջապահության նախարարությունը որևէ ուսումնասիրություն կատարել է: Գիտի՞ ինչպես են միմյանց հասկանում թուրքերեն չիմացող քուրդ հիվանդներն և նրանց բժիշկները։

Աղբյուր` demokrathaber.org

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։