Կիպրոսի նախագահական. «Թուրքիան վերածվում է ծովահենային պետության»

Քաղաքական17:05, 21 Հունվար 2020

Կիպրոսի նախագահական. «Թուրքիան վերածվում է ծովահենային պետության»

Կիպրոսը քննադատել է իր բացառիկ տնտեսական գոտում Թուրքիայի կողմից ապօրինի հորատումներ իրականացնելու նախապատրաստությունները:

Կիպրոսի նախագահականից տարածված հայտարարության մեջ մասնավորապես ասվում է. «Արևելյան Միջերկրականում Թուրքիան վերածվում է ծովահենային պետության: Չնայած արևելյան Միջերկրականի երկրների միջև առկա էներգետիկ փոխգործակցությանը՝ Թուրքիան, ինքնագլուխ քայլեր անելով, բռնում է միջազգային անօրինականություների ուղին»:

Հայտարարության մեջ նաև նշվում է, որ Թուրքիան անտեսում է Միջերկրական ծովում անօրինական հորատումները դադարեցնելու մասին Եվրամիության կոչը:

Նշյալ հայտարարությունն արվել է այն բանից հետո, երբ Թուրքիան հայտարարել էր, որ պատրաստվում է հորատումներ իրականացնել Կիպրոսին պատկանող բացառիկ տնտեսական գոտում: Թուրքիայի էներգետիկայի և բնական պաշարների նախարար Ֆաթիհ Դյոնմեզն ավելի վաղ տեղեկացրել էր, որ «Yavuz» անվամբ հորատիչ նավը տեղակայվելու է Կիպրոսում` հորատման աշխատանքներ իրականացնելու համար:

Աղբյուր` Artıgerçek

Այս ենթաբաժնի վերջին նորությունները

15:12, 21 դեկտ

Ֆիդան․ «Ադրբեջանի և Հայաստանի միջև խաղաղության գործընթացի հաջող ավարտի համար պատմական հնարավորություն է ստեղծվել»

Թուրքիայի և Գերմանիայի արտգործնախարարներն անդրադարձել են Թուրքիա-ԵՄ հարաբերություններին, Հայաստան-Ադրբեջան գործընթացին և Սիրիայում տիրող իրավիճակին։

10:02, 20 դեկտ

Էրդողանը Կահիրեում մի շարք հանդիպումներ է ունեցել

D-8-ի շրջանակներում Թուրքիայի նախագահը պակիստանցի, իրանցի և եգիպտոսցի իր գործընկերների հետ քննարկել է տարածաշրջանային և համաշխարհային նշանակության հարցեր: