Բողոքի ակցիա Ստամբուլում ԱՄՆ հյուպատոսության առջև

Հասարակական11:11, 30 Հունվար 2020

Բողոքի ակցիա Ստամբուլում ԱՄՆ հյուպատոսության առջև

Ստամբուլում «Իմպերիալիզմի և սիոնիզմի դեմ Պաղեստինի բարեկամներ» խումբը բողոքի ակցիա է իրականացրել ԱՄՆ-ի հյուպատոսարանի առջև:

Նրանք իրենց բողոքն են արտահայտել պաղեստինաիսրայելական հակամարտության շուրջ հունվարի 28-ին ԱՄՆ նախագահ Դոնալդ Թրամփի հրապարակած «Դարի գործարքի» դեմ:

Ցուցարարները պաստառներ են պարզել` «Թող փլուզվի սիոնիստական Իսրայել պետությունը», «Իմպերիալիստական և սիոնիստական պլանը` 100-ամյա դիմակայությունն ավարտվելու է» գրություններով:

Խմբի անդամներից մեկը լրագրողների հետ հարցազրույցում նշել է, որ Թուրքիայի և Իսրայելի միջև ամեն տեսակ հարաբերություններին պետք է վերջ տրվի, ինչպես նաև ավելի շատ պատժամիջոցներ պետք է կիրառվեն Իսրայելի դեմ:

Հիշեցնենք, որ Թրամփի նախագծի համաձայն՝ Երուսաղեմը լինելու է Իսրայելի անբաժան մայրաքաղաքը, իսկ Իսրայելի ինքնիշխանությունը տարածվելու է Հորդանան գետի արևելյան ափի մի մասի նկատմամբ: Թրամփը Պաղեստինին առաջարկել է սեփական մայրաքաղաքն ունենալ Արևելյան Երուսաղեմում, որտեղ ԱՄՆ-ն «հպարտորեն» դեսպանատուն կբացի: Բացի այդ, ԱՄՆ նախագահը խոստացել է, որ համաձայնության դեպքում Պաղեստինում 50 մլրդ դոլարի ներդրումներ անել:

ԱՄՆ նախագահը նաև նշել է, որ ապագա Պաղեստին պետությունը ձևավորվելու է այնպես, որ այն վտանգ չի ներկայացնելու Իսրայելի անվտանգությանը, և որ այնտեղ չեն գործելու ահաբեկչական կառույցներ:

Աղբյուր` hurriyet.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։