Հասարակական14:09, 01 Փետրվար 2020
Թուրքիան սկսել է Չինաստանում գտնվող իր քաղաքացիների տարհանումը
Չինաստանում բռնկված կորոնովիրուսի տարածման օջախ հանդիսացող Ուհան քաղաքից Թուրքիայի քաղաքացիները տարհանվել են Թուրքիայից ուղարկված հատուկ ինքնաթիռով։ Մինչ թռիչքը թուրքական Habertürk լրատվակայքը ուղիղ միացմամբ կապ է հաստատել Ուհանի օդանավակայանում գտնվող թրքուհի Նեսլիհան Չիմենի հետ, ով չինացի ամուսնու և երեխայի հետ սպասում էր Թուրքիա տեղափոխվելուն։
Չիմենը պատմել է, որ Չինատանի իշխանությունները երկար ժամանակ թույլ չէին տալիս չինական անձնագիր ունեցող քաղաքացիներին ու նրանց երեխաներին մեկնել երկրից։ Միայն նախօրեին նաև Թուրքիայի դեսպանատան ջանքերով հնարավոր է եղել նման թույլտվություն ստանալ Թուրքիայի այն քաղաքացիներին ընտանիքների համար, որոնք ամուսնացած են չինացիների հետ։ Ընդհանուր առմամբ Ուհանից տարհանվել է 25 թուրքական ընտանիք։
Նեսլիհան Չիմենն իր ընտանիքի հետ Չինաստան էր մեկնել ընդամենը 13 օր առաջ։ Նրա խոսքով՝ Ուհանում իրավիճակը հատկապես քաոսային էր դարձել հունվարի 21-22-ին, իսկ 23-ին քաղաքում կարանտին էր հայտարարվել, և այն ուրվական-քաղաքի էր վերածվել։ Թուրքիայի քաղաքացին ընդգծել է, որ համաճարակի պատճառով առաջացած դրությունն այս պահին շատ ավելի սարսափելի է, քան կարելի է պատկերացնել լրատվամիջոցներից ստացվող տեղեկությունների հիման վրա։
Ուհանից տարհանվող Թուրքիայի քաղաքացիներին նախապես զգուշացրել են, որ Թուրքիայում ևս նրանք առնվազն 14 օր մեկուսացված և բժշկական վերահսկողության տակ են լինելու։ Նրանք առանց վարանելու համաձայնել են՝ ցանականալով պահ առաջ հեռանալ «ուրվական քաղաքից»։
Այս ենթաբաժնի վերջին նորությունները
Համշխարհային առողջապահության կազմակերպության ներկայացուցչի խոսքով օգնությունը կազմել է 55 տոննա:
Հրապարակված ցանկում ընդգրկված են այն երկրները, որոնց անձնագրեր ունեցողները կարող են այցելել տարբեր երկրներ առանց մուտքի վիզայի։
Կիբերանվտանգության վարչությունը կունենա 135 հոգուց բաղկացած աշխատակազմ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարարը լրատվամիջոցների ներկայացուցիչների հետ հանդիպմանն անդրադարձել է հայ-ադրբեջանական բանակցային գործընթացին:
Վեջին օրերին հայ-ադրբեջանական հարաբերությունների կարգավորման գործըթնացն ու Ալիևի՝ Հայաստանի նկատմամբ սպառնալից հայտարարությունները միջազգային մամուլի գլխագրերում են:
Կողմերի օրակարգում է եղել երկկողմ հարաբերությունները, ինչպես նաև տարածաշրջանային և համաշխարհային զարգացումները:
Թուրքիայի նախագահ Ռեջեփ Թայիփ Էրդողանը անդրադարձել հեռահար հրթիռների արտադրության ծրագրին:
Հիմնականում թյուրքախոսներով բնակեցված Իրանի Թավրիզ քաղաքում վերջին շրջանում նկատվել են թուրքամետ պաստառներ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |