Սիրիայի ԶՈՒ. «Պատասխանելու ենք Թուրքիայի հարվածներին»

Տարածաշրջան11:59, 12 Փետրվար 2020

Սիրիայի ԶՈՒ. «Պատասխանելու ենք Թուրքիայի հարվածներին»

Վերջին շրջանում Սիրիայում լարված մթնոլորտն ավելի է թեժացել թուրքական և Սիրիայի կառավարական զորքերի միջև: Կողմերը չեն դադարում մեկը մյուսին սպառնալ պատասխան ռազմագործողություններով:

Սիրիայի բանակը փետրվարի 12-ին հայտարարել է, որ պատասխան հարված է հասցնելու Թուրքիայի հարձակումներին:

Նախորդ օրը տարածած հայտարարության մեջ Սիրիայի բանակը Թուրքիային մեղադրել էր Սիրիայի ինքնիշխանությունը խախտելու, Իդլիբում և Հալեպում ընդդիմադիր զանգվածներին աջակցելու մեջ:

Նշենք, որ նախորդ շաբաթ Սիրիայի Իդլիբ նահանգում կառավարական ուժերի հրետակոծության հետևանքով 13 թուրք զինծառայող էր սպանվել: Այդ կապակցությամբ պաշտոնական Անկարան Իդլիբի իր դիտակետերում լրացուցիչ զինտեխնիկայի մատակարարման ծավալը կտրուկ մեծացրել է:

Թուրքիայի աջակցությունը վայելող Սիրիայի ընդդիմադիր ուժերը թուրք հրետանավորների հետ միասին սկսել են հարվածներ հասցնել Սիրիայի կառավարական ուժերի դիրքերի ուղղությամբ:

Աղբյուր` diken.com.tr

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: