ԵԽ-ն կարգապահական տույժի է ենթարկել Թուրքիայի դրոշը պատռած հույն պատգամավորին

Քաղաքական13:55, 14 Փետրվար 2020

ԵԽ-ն կարգապահական տույժի է ենթարկել Թուրքիայի դրոշը պատռած հույն պատգամավորին

Եվրոպական խորհրդարանը պատիժ է սահմանել Բրյուսելում կայացած ԵԽ գլխավոր ասամբլեայի նիստում Թուրքիայի դրոշը պատռած հույն պատգամավոր Իոանիս Լագոսի համար։ ԵԽ որոշման համաձայն՝ Լագոսը չի ստանա 7 օրվա աշխատավարձ, ինչպես նաև՝ 4 օրով կզրկվի խորհրդարանի գործունեությանը մասնակցելու իրավունքից։

Ֆրանսիայի Ստրասբուրգ քաղաքում թեմային անդրադարձած Եվրախորհրդարանի նախագահ Դավիթ Սասոլին նշել է, որ «ստորացուցիչ արտահայտություններ կիրառելու» և «ազգային դրոշ խորհրդանշող թուղթը պատռելու» պատճառով Լագոսը կարգապահական տույժի է ենթարկվել։

Հիշեցնենք, որ հույն պատգամավոր Իոանիս Լագոսը հունվարի 30-ին Բրյուսելում կայացած Եվրախորհրդարանի գլխավոր ասամբլեայի նիստում անդրադարձել էր հունական կղզիներում ապաստանած փախստականների իրավիճակին: Ի նշան այդ ամենի դեմ բողոքի ՝ նա ցուցադրաբար պատռել էր թղթից պատրաստված Թուրքիայի դրոշը՝ հայտարարելով․

«Մի կողմից էլ Թուրքիան է, որը կարողանում է անել այն, ինչ ցանկանում է: Անդադար ներգաղթյալներ են գալիս մեր երկիր: Ահա, Թուրքիայի դրոշն է, ի՞նչ են անում սա. պատռում և մի կողմ են նետում: Պետք է արդեն վերջ դնել ներգաղթյալների հոսքին»։

Աղբյուր` tr.euronews.com

Այս ենթաբաժնի վերջին նորությունները

12:11, 16 ապր

Թյուրքական պետությունների կազմակերպության անդամ երկրներից 4-ը չեն ճանաչի ինքնահռչակ ՀԿԹՀ-ի անկախությունը

Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։